Pushpa 2 : ఐకాన్ స్టార్ అల్లు అర్జున్ హీరోగా నటించిన తాజా చిత్రం పుష్ప 2 . ఈ సినిమా డిసెంబర్ 6వ తేదీ పాన్ ఇండియా స్థాయిలో ప్రేక్షకుల ముందుకు రావడానికి సిద్ధమైంది. అయితే ఇటీవల మేకర్స్ నేషనల్ ప్రెస్ మీట్ నిర్వహించి ఈ సినిమా అనుకున్న సమయానికంటే ఓ రోజు ముందుగానే ప్రేక్షకుల ముందుకు రాబోతుందని తెలిపారు. ఇక ఇప్పటికే ఈ సినిమా నుంచి విడుదల చేసిన ఎన్నో అప్డేట్స్ సినిమాపై భారీ స్థాయిలో అంచనాలను పెంచేశాయి.
ఈ సీక్వెల్ సినిమా కోసం కేవలం ప్రేక్షకులు మాత్రమే కాకుండా సెలబ్రిటీలు కూడా ఎంతో ఆతృతగా ఎదురుచూస్తున్నారు. ఇకపోతే తాజాగా ఈ సినిమాలో ద్రాక్షాయిని పాత్రలో నటించిన యాంకర్ అనసూయ బిగ్ బాస్ వేదికపై సందడి చేశారు. ఈ కార్యక్రమంలో భాగంగా నాగార్జున అనసూయని ప్రశ్నిస్తూ..మంగళం శ్రీనును లేపేస్తాను అంటూ బెదిరిస్తున్నావు. ఈ సినిమాలో నీ క్యారెక్టర్ తో దడిపిస్తున్నావు అంటూ కాసేపు అనసూయను సరదాగా ఆట పట్టించారు.
Also Read : అల్లు అర్జున్ తో (Allu Arjun) కచ్చితంగా సినిమా ఉంటుంది.. ఫ్యాన్స్ కి కిక్ ఇచ్చే న్యూస్ చెప్పిన కొరటాల
Anasuya on Pushpa 2: Exciting Storyline Hints and Audience Expectations Soar
ఇక ఈ సినిమా కథ ఏంటి అంటూ నాగార్జున సినిమా గురించి అడగడంతో అనసూయ మాత్రం మీరు నా వెనకే ఉంటాను అంటే సినిమా గురించి చెబుతానని తెలిపారు. దాంతో నాగర్జున నేనెక్కడ ఉండను ఇక్కడే ఉంటాను అని చెప్పగా అనసూయ కూడా పుష్ప 2(Pushpa 2) సినిమా గురించి పలు కీలక విషయాలను వెల్లడించారు. పుష్ప 1 అనేది కేవలం ఇంట్రడక్షన్ సినిమా మాత్రమే అని తెలిపారు. అసలు కథ మొత్తం సీక్వెల్ సినిమాలోనే ఉందని అనసూయ వెల్లడించారు.
ఈ సినిమాలో ప్రతి పది నిమిషాలకు ఒక ట్విస్ట్ ఉండబోతుందని, ప్రతి సన్నివేశం చూస్తే కనుక ఇదే క్లైమాక్స్ సీన్ అనిపించేలా సుకుమార్ అద్భుతంగా తీర్చిదిద్దారని అనసూయ వెల్లడించారు. ఇలా ప్రతి పది నిమిషాలకు వచ్చే ట్విస్ట్ ప్రేక్షకులకు మంచి అనుభూతిని కలిగిస్తుందని పుష్ప 2 గురించి అనసూయ ఈ సందర్భంగా చేసిన కామెంట్స్ సోషల్ మీడియాలో వైరల్ అవుతూ సినిమాపై భారీ స్థాయిలో అంచనాలను పెంచుతున్నాయి.
ఇక ఇప్పటికే సినిమా నుంచి విడుదల చేసిన పోస్టర్స్ పాటలు కూడా భారీ స్థాయిలో అభిమానులను ఆకట్టుకున్నాయి. ఈ సినిమాలో అల్లు అర్జున్ కి జోడిగా రష్మిక నటించగా, అనసూయ, సునీల్, ఫహద్ ఫాజిల్ వంటి సెలబ్రిటీలు కీలక పాత్రలలో నటిస్తున్నారు. ఇక మైత్రి మూవీ మేకర్స్ నిర్మాణంలో సుమారు 500 కోట్ల బడ్జెట్ తో ఈ సినిమా పాన్ ఇండియా స్థాయిలో ప్రేక్షకుల ముందుకు రాబోతోంది.
