Arya : సాధారణంగా సినిమా ఇండస్ట్రీలో ఒక కథను సిద్ధం చేసుకునే సమయంలోనే ఆ కథకు ఏ హీరో సరిపోతారన్న ఉద్దేశంతోనే దర్శకులు లేదా రచయితలు ఆ కథను సిద్ధం చేస్తూ ఉంటారు. అయితే కొన్ని కారణాలవల్ల ఆ సినిమాలో వారు కాకుండా వేరే హీరోలు నటించడం అనేది జరుగుతుంది. ఇలా ఎంతో మంది హీరోలు తమకు వచ్చిన సినిమా అవకాశాలను వదులుకొని సూపర్ హిట్ సినిమాలను మిస్ చేసుకోగా మరి కొంతమంది సినిమా వదులుకొని మంచి పని చేశామని సంబర పడిన వాళ్లు కూడా ఉన్నారు.
ఇలా ఇండస్ట్రీలో ప్రతి ఒక్క హీరో కూడా ఎన్నో సూపర్ హిట్ సినిమాలను మిస్ చేసుకోవడమే కాకుండా డిజాస్టర్ సినిమాల నుంచి కూడా బయటపడిన వారు ఉన్నారు. ఇకపోతే తాజాగా హీరో సుధీర్ బాబు మా నాన్న సూపర్ హీరో అనే సినిమా ద్వారా నేను ప్రేక్షకుల ముందుకు వచ్చిన సంగతి తెలిసిందే. అయితే ఈ సినిమా ప్రమోషన్ కార్యక్రమాలలో భాగంగా ఒక ఇంటర్వ్యూలో పాల్గొన్న సుధీర్ బాబుకు ఒక ఆసక్తికరమైన ప్రశ్న ఎదురయింది.
Also Read : Prabhas: రాజు కాదు.. మారాజు.. తెలుగు రాష్ట్రాలకు భారీ విరాళాన్ని ప్రకటించిన ప్రభాస్
Sudheer Babu Reveals Interesting Comments About Arya Movie
మీరు కొన్ని సినిమాలను వదిలేశారని, ఆ కథలను వేరే హీరోలు చేయడం ద్వారా హిట్ సంపాదించారు. దానిపై మీ స్పందన ఏంటి అంటూ ప్రశ్నించిన సమయంలో సుధీర్ బాబు స్పందిస్తూ.. అలా ఏం ఉండదు. అల్లు అర్జున్ చేసిన ఆర్య(Arya) సినిమా కథను సుకుమార్ గారు ముందుగా ప్రభాస్ కు వినిపించారు. కొన్ని కారణాల వల్ల ప్రభాస్ నో చెప్పడంతో అల్లు అర్జున్ ఈ సినిమా చేశారు. ఇప్పుడు ఆ ఇద్దరు హీరోలు ఇండస్ట్రీలో పాన్ ఇండియా స్టార్స్ గా కొనసాగుతున్నారు.
ఒక కథను తిరస్కరించడం, ఒక సినిమాను చేయక పోవడం వల్ల కెరీర్‌ లో పెద్దగా నష్టం జరుగుతుంది అనుకోవడం తప్పు. కచ్చితంగా ఒక మంచి కథను ఏ హీరో మిస్ అవ్వాలి అనుకోరు. ఎవరికి ఉండే లెక్కలు వారికుంటాయి అంటూ ఈ సందర్భంగా సుధీర్ బాబు కామెంట్ చేశారు. అయితే ఆర్య సినిమా ముందుగా ప్రభాస్ వద్దకు వెళ్ళిందని ఈ విషయం తెలిసిన ప్రభాస్ అభిమానులు నిజంగానే ప్రభాస్ ఒక మంచి సినిమాని మిస్ చేసుకున్నారంటూ కామెంట్లు చేస్తున్నారు.
