యూపీఐ సేవల అంతరాయం 2025 – ఏం జరిగింది?
UPI outage: తెలంగాణ, ఆంధ్రప్రదేశ్‌లో శనివారం (ఏప్రిల్ 12, 2025) ఉదయం యూపీఐ (UPI) సేవలు మళ్లీ స్తంభించాయి. గూగుల్ పే, ఫోన్‌పే, పేటీఎం వంటి యాప్‌లతో లావాదేవీలు చేయలేక చాలామంది ఇబ్బంది పడ్డారు. ఈ సాంకేతిక సమస్య దేశవ్యాప్తంగా కనిపించింది, ఉదయం 11:26 నుంచి మధ్యాహ్నం వరకు డౌన్‌డిటెక్టర్‌లో 1,168 ఫిర్యాదులు నమోదయ్యాయి. గూగుల్ పేలో 96, పేటీఎంలో 23 సమస్యలు రిపోర్ట్ అయ్యాయి. ఈ గందరగోళం వల్ల చిన్న వ్యాపారులు, సామాన్యులు అసౌకర్యం ఎదుర్కొన్నారు.
ఈ సమస్య ఎందుకు వచ్చింది?
నేషనల్ పేమెంట్స్ కార్పొరేషన్ ఆఫ్ ఇండియా (NPCI) ఈ సమస్యను “తాత్కాలిక సాంకేతిక UPI outage లోపం”గా పేర్కొంది, త్వరలో పరిష్కరిస్తామని హామీ ఇచ్చింది. ఈ ఏడాది ఇది ఆరో పెద్ద యూపీఐ అంతరాయం, మార్చి 26న మూడు గంటల పాటు సేవలు నిలిచిపోయాయి. HDFC బ్యాంక్, స్టేట్ బ్యాంక్ ఆఫ్ ఇండియా, కోటక్ మహీంద్రా బ్యాంక్‌లు కూడా ఈ సమస్యలో చిక్కుకున్నాయి. దేశంలో 90% డిజిటల్ లావాదేవీలు యూపీఐ ద్వారానే జరుగుతాయి కాబట్టి, ఈ అంతరాయాలు పెద్ద ఇబ్బందులు తెచ్చాయి.
Also Read: Gold rate record high
UPI outage: ఎందుకు ఈ సమస్యలు తలెత్తుతున్నాయి?
నిపుణులు సర్వర్ ఓవర్‌లోడ్, నిర్వహణ పనులు లేదా సైబర్ UPI outage భద్రతా సమస్యలు కారణం కావొచ్చని అంటున్నారు, కానీ NPCI నుంచి ఖచ్చితమైన కారణం ఇంకా వెల్లడి కాలేదు. ఇటీవల NPCI అంతర్జాతీయ యూపీఐ లావాదేవీల కోసం QR కోడ్ ఉపయోగంపై కొత్త ఆంక్షలు విధించింది, ఇది సెక్యూరిటీ పెంచడానికి అయినా, ఈ అంతరాయాలతో సంబంధం లేదని చెప్పింది.
ఏం చేయాలి?
యూపీఐ సేవలు అంతరాయం అయినప్పుడు క్యాష్, డెబిట్/క్రెడిట్ కార్డ్‌లు ఉంచుకోవడం మంచిది. లావాదేవీలు విఫలమైతే వెంటనే మళ్లీ ట్రై చేయకుండా కొద్దిసేపు ఆగి చూడండి, లేకపోతే డబ్బు డబుల్ కట్ అయ్యే అవకాశం ఉంది. NPCI అధికారిక ఛానెల్స్‌లో అప్‌డేట్స్ చెక్ చేయండి. ఈ రూల్స్ తెలుసుకుంటే ఇలాంటి సమస్యల్లో ఇబ్బంది తప్పుతుంది.
