Ratan Tata : భారతదేశపు ప్రముఖ పారిశ్రామికవేత్త రతన్ టాటా అక్టోబర్ 9న ముంబైలోని బ్రీచ్ కాండీ ఆసుపత్రిలో మరణించారు. ఆయన 86ఏళ్ల వయసులో అనారోగ్య కారణంగా ఆస్పత్రిలో చికిత్స పొందుతూ కన్నుమూశారు. ఎన్ని లక్షల కోట్లు సంపాదించిన అతిసామాన్య జీవితం గడిపిన వ్యక్తి రతన్ టాటా. తన జీవితంలో ఎలాంటి మచ్చలేకుండా బతికిన మనిషి ఆయన.
నీతికి నిజాయితీకి నిలువుటద్దం రతన్ టాటా(Ratan Tata). తన హయాంలో టాటా గ్రూప్‌ను ఉన్నత శిఖరాలకు తీసుకెళ్లాడు. తన జీవితంలో ఎప్పుడూ నిజాయితీకి, నైతికతకు ప్రాధాన్యత ఇచ్చాడు. ఆయన జీవితం కేవలం పారిశ్రామిక విజయానికే పరిమితం కాకుండా దేశ సంక్షేమానికి అంకితం చేశారు. ఈ రోజు మనం మీకు రతన్ టాటాకు సంబంధించిన ఒక షాకింగ్ ఉదంతం గురించి తెలుసుకుందాం.
Also Read : Ratan Tata: రతన్ టాటాకు నివాళులు అర్పించిన టాలీవుడ్ స్టార్స్!
Minister’s Bribery Allegation Against Ratan Tata in Airline Licensing
2010లో రతన్ టాటా NDTVకి ఇచ్చిన పాత ఇంటర్వ్యూ ఒకటి సోషల్ మీడియాలో వైరల్ అవుతుంది. ఆ వీడియో చూసిన తర్వాత ఆయన మీద గౌరవం పదింతలు పెరిగిందనడంలో సందేహమే లేదు. ఈ ఇంటర్వ్యూలో వ్యాపార ఒప్పందానికి మంత్రికి 15 కోట్లు ఇవ్వాలని పారిశ్రామికవేత్త రతన్ టాటాకు సలహా ఇచ్చిన షాకింగ్ సంఘటనను ఆయన ప్రస్తావించారు. ఆ సమయంలో టాటా గ్రూప్ విమానయాన రంగంలోకి అడుగుపెట్టాలని యోచిస్తోంది. ఆ సందర్భంలో ‘‘మీకు విమానయాన సంస్థ కావాలంటే మంత్రికి రూ.15 కోట్లు ఇవ్వండి’’ అని ఆ పారిశ్రామిక వేత్త రతన్ టాటాతో చెప్పాడు. దీనిపై మీ అభిప్రాయం ఏమిటి? అని అడుగగా రతన్ టాటా ఈ సూచనను తిరస్కరించారు.. అవినీతిని వ్యతిరేకించారు. అయితే ఆ ఇంటర్వ్యూలో మంత్రి, పారిశ్రామికవేత్త పేర్లను మాత్రం ఆయన బయటపెట్టలేదు.
అదే ఇంటర్వ్యూలో అవినీతిని అరికట్టడం గురించి అడిగినప్పుడు, రతన్ టాటా దీనికి సరళమైన మార్గం మనం నిజాయితీగా ఉండడమే అని పేర్కొన్నారు. ఎన్ని కష్టాలు వచ్చినా సన్మార్గంలో పయనించాలని ఇతరులకు కూడా ఆయన ఆదర్శంగా నిలిచారు. రతన్ టాటా తన జీవితంలో వ్యాపార విజయాన్ని సాధించడమే కాకుండా, సామాజిక సేవా రంగంలో తన సహకారంతో ప్రజల హృదయాల్లో ప్రత్యేక స్థానాన్ని సృష్టించారు. ఆరోగ్యం, విద్య, గ్రామీణాభివృద్ధి, సాంఘిక సంక్షేమం కోసం ఆయన ఏకంగా రూ.9,000 కోట్లకు పైగా విరాళాలు అందించారు. ఈ మొత్తం చాలా మంది పారిశ్రామికవేత్తల మొత్తం సంపద కంటే ఎక్కువ, ఇది వారికి వ్యాపారం కంటే సమాజ సేవే ముఖ్యమని చూపిస్తుంది. రతన్ టాటా మృతితో దేశం నిజమైన పారిశ్రామికవేత్త, సామాజిక కార్యకర్త, ఆదర్శ నేతను కోల్పోయింది. నిజాయితీకి ఆయనే ఉదాహరణ ఎల్లప్పుడూ ప్రజలకు స్ఫూర్తిదాయకంగా ఉంటుంది.
