Yash : కెజిఎఫ్ సినిమా ద్వారా స్టార్ హీరోగా పాన్ ఇండియా స్థాయిలో ఎంతో మంచి సక్సెస్ అందుకున్న నటుడు యశ్ ప్రస్తుతం పలు ప్రాజెక్టులతో ఎంతో బిజీగా గడుపుతున్నారు. ప్రస్తుతం ఈయన టాక్సిక్ అని సినిమాలో నటిస్తున్నారు. ఈ సినిమా షూటింగ్ పనులు జరుగుతున్నాయి నిజానికి ఈ సినిమా వచ్చే ఏడాది ఏప్రిల్ నెలలో విడుదల కావాలని మేకర్స్ నిర్ణయించారు కానీ షూటింగ్ ఆలస్యం కావడంతో ఈ సినిమా విడుదల కూడా వాయిదా పడుతుందని ఇటీవల హీరో యశ్ తెలిపారు.
ఇక ఈ సినిమాతో పాటు ఈయన రామాయణం అనే సినిమాలో కూడా రావణాసురుడి పాత్రలో నటిస్తున్నట్లు వెల్లడించారు. అతి త్వరలోనే ఈయన ఈ సినిమా షూటింగ్లో పాల్గొనబోతున్నారు అయితే ఇటీవల ముంబైలో సందడి చేసిన యశ్(Yash) ఒక ఇంటర్వ్యూలో పాల్గొన్నారు. ఈ ఇంటర్వ్యూ సందర్భంగా ఈయన తదుపరి ప్రాజెక్టులపై ఆసక్తికరమైన విషయాలను వెల్లడించారు. ఈ రెండు సినిమాల షూటింగ్స్ పూర్తి అయిన తర్వాతే కేజిఎఫ్ 3 ఉంటుందని తెలిపారు.
Also Read : Pawan Kalyan: రోడ్డుపై పవన్ ను అలా చూసి కడుపు తరుక్కుపోయింది: అంజనాదేవి
Yash on Sai Pallavi and His Role as Ravan: A Viral Sensation
ఇక హీరోగా ఎంతో మంచి సక్సెస్ అందుకున్న ఈయన రావణాసురుడిగా విలన్ పాత్రలో కనిపించబోతున్న నేపథ్యంలో ఈ విషయం గురించి ఆసక్తికరమైన విషయాలను తెలిపారు. బాలీవుడ్ స్టార్ డైరెక్టర్ నితీష్ తివారి దర్శకత్వంలో తెరకెక్కుతున్న ఈ సినిమాను టాలీవుడ్ ప్రొడ్యూసర్ అల్లు అరవింద్, మధు మంతెన సంయుక్తంగా అత్యంత భారీ బడ్జెట్‌తో తెరకెక్కిస్తున్నారు. ఇందులో రణబీర్ రాముడి పాత్రలో నటించగా సీత పాత్రలో సాయి పల్లవి నటిస్తున్నారు.
సాయి పల్లవి సీత పాత్రకు ఎందుకు అనే విషయంపై ఈయన ఆసక్తికర వ్యాఖ్యలు చేశారు.సాయిపల్లవి చాలా గొప్ప నటి. రామాయణం అనుకున్నప్పుడు సౌత్, నార్త్ సెలబ్రిటీలను ఈ సినిమాలో భాగం చేయాలని అనుకున్నాం. సాయి పల్లవి సీతగా నటించాలని డైరెక్టర్ నితీష్ తివారి ఎప్పుడూ కోరుకునేవాడు. కాబట్టి మేమంతా కలిసికట్టుగా ఆ నిర్ణయం తీసుకున్నాం. ఆ పాత్రకు ఆమె తగినది. ఇక నా పాత్ర విషయానికొస్తే ..
నాకు రావణాసురుడి పాత్ర కాకుండా మరొక పాత్ర కనుక ఇచ్చి ఉంటే నేను ఈ సినిమా నుంచి తప్పుకునే వాడిని. రావణాసురుడి పాత్ర కావడంతో ఈ సినిమాకు ఒప్పుకున్నానని తెలిపారు..ఎందుకంటే.. ఒక నటుడిగా రావణుడి పాత్రలో నటించడం నాకు ఇష్టం. ఆ పాత్రలో చాలా షేడ్స్ ఉంటాయి. అందుకే రావణుడుగా చేయడానికి ఒప్పుకున్నాను అంటూ యశ్ ఈ సందర్భంగా చేసిన కామెంట్స్ వైరల్ అవుతున్నాయి.
