UnStoppable4 : నందమూరి నట సింహం బాలకృష్ణ తెరపై హీరోగా ఎన్నో అద్భుతమైన సినిమాలలో నటించి మంచి గుర్తింపు పొందారు. గత కొన్ని సంవత్సరాల క్రితం వరకు కేవలం సినిమాలు మాత్రమే చేసేవారు కానీ మొదటిసారి ఆహాలో ప్రసారం అయిన అన్ స్టాపబుల్ కార్యక్రమానికి వ్యాఖ్యాతగా వ్యవహరిస్తున్నారనే విషయం తెలిసిన అభిమానులు ఒక్కసారిగా షాక్ అయ్యారు. బాలకృష్ణ ఏంటి హోస్ట్ గా వ్యవహరించడం ఏంటి అంటూ అందరూ విమర్శలు కూడా చేశారు.
ఇలా విమర్శలు చేసిన నోర్లను మూయిస్తూ బాలయ్య హోస్ట్ గా అన్ స్టాపబుల్(UnStoppable4) కార్యక్రమానికి అద్భుతమైన విజయాన్ని అందించారు. ఇలా ఈ టాక్ షో కి సినీ సెలబ్రిటీలను ఆహ్వానించి వారి వ్యక్తిగత వృత్తిపరమైన విషయాల గురించి బాలయ్య ప్రశ్నిస్తూ ఆసక్తికరమైన సమాధానాలు రాబట్టారు. ఇలా ఈ టాక్ షో ఎంతో అద్భుతమైన విజయం అందుకోవడంతో ఏకంగా మూడు సీజన్లను కూడా పూర్తి చేసుకుంది.
Also Read : Balakrishna: నందమూరి వారసులు వాళ్లేనా… ఎన్టీఆర్ వారసుడు కాదా.. బాలయ్య షాకింగ్ కామెంట్స్?
AP CM Joins Balayya as First Guest on UnStoppable4
అక్టోబర్ 24వ తేదీ ఈ టాక్ షో నాలుగవ సీజన్ ప్రారంభం కాబోతోంది. అయితే ఈ కార్యక్రమానికి ఎవరు ఫస్ట్ గెస్ట్ గా రాబోతున్నారు అలాగే ఈ షోలో పార్టిసిపేట్ చేసే సెలబ్రిటీలు వీళ్లే అంటూ ఎన్నో రకాల వార్తలు వినిపించాయి. అయితే ఈ కార్యక్రమానికి ఏపీ ముఖ్యమంత్రి చంద్రబాబు నాయుడు కూడా రాబోతున్నారంటూ వార్తలు వచ్చాయి. అయితే ఈయన ఇదివరకు రెండు సీజన్లో కూడా తన కొడుకు లోకేష్ తో కలిసి హాజరయ్యారు.
ఇక చంద్రబాబు నాయుడు ముఖ్యమంత్రి హోదాలో ఈ కార్యక్రమానికి రాబోతున్నారని వార్తలు వినిపించాయి. ఈ వార్తలకు అనుగుణంగానే ఆదివారం బాలకృష్ణ చంద్రబాబు నాయుడుకి సంబంధించిన ఎపిసోడ్ షూటింగ్ కూడా పూర్తి అయిందని తెలుస్తోంది. ప్రస్తుతం ఇందుకు సంబంధించిన ఫోటోలు సోషల్ మీడియాలో వైరల్ అవుతున్నాయి. షూటింగ్ లోకేషన్ లోకి చంద్రబాబు నాయుడు రాగ బాలయ్య తనకు పుష్పగుచ్చం అందజేసి స్వాగతం పలికారు.
మరి ఈ ఎపిసోడ్లో బాలకృష్ణ చంద్రబాబు నాయుడుని ఎలాంటి ప్రశ్నలు వేయనున్నారనేది తెలియాల్సి ఉంది. ఇక ప్రస్తుతం చంద్రబాబు నాయుడు ముఖ్యమంత్రిగా నాలుగు నెలల పాటు పరిపాలన చేశారు. బహుశా తన పరిపాలన గురించి అలాగే ప్రతిపక్షం గురించి కూడా మాట్లాడే అవకాశాలు ఉన్నాయని స్పష్టంగా తెలుస్తోంది.
