Un Stoppable4: ఆంధ్రప్రదేశ్ ముఖ్యమంత్రి తాజాగా బాలకృష్ణ వ్యాఖ్యాతగా వ్యవహరిస్తున్న అన్ స్టాపబుల్ సీజన్ ఫోర్ కార్యక్రమానికి మొదటి గెస్ట్ గా హాజరు కాబోతున్నారు. తాజాగా ఈ కార్యక్రమానికి సంబంధించిన ఫస్ట్ ప్రోమో విడుదల అయింది. ఈ కార్యక్రమం సెప్టెంబర్ 25వ తేదీ రాత్రి 8:30కు ప్రసారం కానుంది. ఇక ప్రోమోలో భాగంగా.. బాలయ్య మాట్లాడుతూ అభిమానులు వేరు బాలయ్య వేరు కాదు.అభిమానులు, బాలయ్య ఒక్క‌రే అంటూ బాలకృష్ణ డైలాగ్‌తో ప్రొమో ప్రారంభ‌మైంది. వివిధ గెట‌ప్స్‌లో బాలకృష్ణ ఎంట్రీ ఇచ్చారు. మొద‌ట‌గా చంద్రబాబుతో అన్‌స్టాప‌బుల్ బుక్ పై ప్రమాణం చేయించారు.
ఇక వీరిద్దరి మధ్య సరదా సంభాషణ కొనసాగింది. ఇకపోతే బాలకృష్ణ చంద్రబాబు నాయుడుని ప్రశ్నిస్తూ జైలు జీవితం గురించి ప్రశ్నలు వేశారు. మిమ్మల్ని అరెస్టు చేస్తున్నట్లు ముందస్తు సమాచారం మీకు ఉందా బావ అంటూ అడిగారు. ఈ ప్రశ్నకు చంద్రబాబు నాయుడు సమాధానం చెబుతూ నేను బస్సులోనే ఉన్నాను మిమ్మల్ని అరెస్టు చేస్తున్నామంటూ తీసుకెళ్లిపోయారని చంద్రబాబు తెలిపారు.
Also Read : Tarak: ముంబైలో అడుగుపెట్టిన తారక్… హృతిక్ రోషన్ తో యుద్ధానికి సిద్దం!
Unstoppable 4″ First Promo Released: Babu’s Shocking Comments on Prison Life
ఇక జైలుకు వెళ్లిన తర్వాత మొదటి రోజు రాత్రి ఎంత తలుపులు కొట్టిన డోర్లు తీయడం లేదని మొదటి రోజు నా జైలు జీవితం ఎలా గడిచిందో 53వ రోజు వరకు అలాగే గడిచిందని తెలిపారు. తప్పు చేసిన ఏ ఒక్కరిని కూడా నేను వదలను అంటూ ఈ సందర్భంగా వార్నింగ్ ఇచ్చారు. పవన్ క‌ళ్యాణ్‌తో పొత్తు విష‌యం, మూలాఖత్ లో భాగంగా ప‌వ‌న్‌తో ఏం మాట్లాడారు అనే విషయాలను కూడా బాబు చెప్పారు.
జైలు గోడలు మధ్య పవన్, నేను రెండు నిముషాలు మాట్లాడుకున్నాం. ఆ సమయంలో సరికొత్త చరిత్ర రాయడానికి సమయస్ఫూర్తిగా నిర్ణయం తీసువడానికి అది ఒక హిస్టరికల్ డే అని బాబు ఈ సందర్భంగా పలు కీలక విషయాలను వెల్లడించారు. ఇలా ఆహా విడుదల చేసిన(Un Stoppable4) ఈ ప్రోమో పూర్తిస్థాయిలో ఈ కార్యక్రమం పై అంచనాలను పెంచేయడమే కాకుండా బాబు జైలు జీవితం గురించి చెప్పిన వ్యాఖ్యలు అలజడిని సృష్టిస్తున్నాయి. మరి ఈ కార్యక్రమంలో చంద్రబాబు నాయుడు ఇంకా ఎలాంటి విషయాలను తెలియచేశారనేది తెలియాలి అంటే పూర్తి ఎపిసోడ్ ప్రసారమయ్యే వరకు ఎదురు చూడాల్సిందే.
