Sobhita : నటి శోభిత ధూళిపాళ్ల త్వరలోనే అక్కినేని ఇంటికి కోడలుగా అడుగుపెట్టబోతున్నారు. తెలుగమ్మాయి అయిన శోభిత మోడలింగ్ రంగంలోకి అడుగుపెట్టి అనంతరం బాలీవుడ్ సినిమాల ద్వారా హీరోయిన్ గా ఇండస్ట్రీలోకి అడుగు పెట్టారు. ఇలా భాషతో సంబంధం లేకుండా ఈమె హిందీ సినిమాలతో పాటు హాలీవుడ్ సినిమాలలో కూడా నటిస్తూ ఇండస్ట్రీలో నటిగా మంచి సక్సెస్ అందుకున్నారు. గూడచారి సినిమా ద్వారా తెలుగు ప్రేక్షకుల ముందుకు హీరోయిన్ గా వచ్చిన శోభిత తన నటనతో ప్రేక్షకులను మెప్పించారు.
ఇలా హీరోయిన్ గా ఇండస్ట్రీలో కొనసాగుతున్న శోభిత నటుడు నాగచైతన్య ప్రేమలో పడ్డారు. ఈ క్రమంలోనే వీరిద్దరూ ఆగస్టు నెలలో నిశ్చితార్థం కూడా జరుపుకున్నారు. డిసెంబర్ 4వ తేదీ వీరిద్దరూ పెళ్లి చేసుకోబోతున్నట్లు కూడా సోషల్ మీడియాలో వార్తలు వస్తున్నా ఇంకా ఎలాంటి అధికారిక ప్రకటన మాత్రం వెలబడలేదు. ఇకపోతే ఇటీవల శోభిత తన పెళ్లి వేడుకలకు సంబంధించిన ఫోటోలను సోషల్ మీడియా వేదికగా షేర్ చేయడంతో ఈ ఏడాదిలోనే వీరి వివాహం ఉంటుందని తెలుస్తుంది.
Also Read : Sobhita : నువ్వు అందుకు కూడా పనికిరావు… కెరియర్ మొదట్లో శోభిత ఇన్ని అవమానాలు పడిందా?
Akkineni’s Future Daughter-in-Law sobhita Makes Headlines!
ఇదిలా ఉండగా పెళ్లి కాకుండానే శోభిత చేసిన ఓ పని ప్రస్తుతం సోషల్ మీడియాలో వైరల్ అవుతుంది. ఈమె తన మొదటి దీపావళిని తన అత్తగారి ఇంట్లో జరుపుకోవడం విశేషం ప్రస్తుతం అందుకు సంబంధించిన ఫోటోలు సోషల్ మీడియాలో వైరల్ అవుతున్నాయి. నాగార్జున నాగ చైతన్య అమల శోభిత అందరూ ఎంతో సంతోషంగా ఈ దీపావళి పండుగను సెలబ్రేట్ చేసుకున్నారు.
ప్రస్తుతం వీరి దీపావళి పండుగకు సంబంధించిన ఫోటోలు సోషల్ మీడియాలో వైరల్ గా మారడంతో పలువురు నెటిజన్స్ మెగా కోడలు లావణ్య త్రిపాఠి బాటలోనే అక్కినేని కోడలు కూడా పెళ్లికి ముందే అత్తారింట్లో పండగ చేసుకున్నారంటూ కామెంట్లు పెడుతున్నారు. లావణ్య త్రిపాటి సైతం వరుణ్ తేజ్ తో నిశ్చితార్థం అయిన తర్వాత పెళ్లి కాకుండానే అత్తారింట్లోకి వినాయక చవితి పండుగలను జరుపుకున్నారు. ఇకపోతే తాజాగా శోభిత కూడా తన మొదటి దీపావళిని కాబోయే అత్తగారింట్లో జరుపుకోవడంతో ఈ ఫోటోలు వైరల్ అవుతున్నాయి.
