Ntr : టాలీవుడ్ పాన్ ఇండియా స్టార్ హీరో ఎన్టీఆర్ ఇటీవల దేవర సినిమా ద్వారా ప్రేక్షకుల ముందుకు వచ్చి మంచి సక్సెస్ అందుకున్నారు. రాజమౌళి డైరెక్షన్లో ఎన్టీఆర్ నటించిన RRR సినిమా తర్వాత కొరటాల డైరెక్షన్లో దేవర సినిమా ద్వారా ప్రేక్షకుల ముందుకు వచ్చారు. ఇక ఎన్టీఆర్ సోలో హీరోగా ప్రేక్షకుల ముందుకు వచ్చి సుమారు 6 సంవత్సరాలు అవుతుంది.
ఇలా ఆరు సంవత్సరాల పాటు ఎన్టీఆర్(Ntr)సినిమా కోసం అభిమానులందరూ ఎదురుచూశారు. ఇక దేవర సినిమా ప్రేక్షకుల అంచనాలకు అనుగుణంగా పెద్ద ఎత్తున సందడి చేస్తూ భారీ స్థాయిలో కలెక్షన్లను రాబడుతుంది. ఇదిలా ఉండగా ఈ సినిమా తరువాత ఎన్టీఆర్ తన తదుపరి చిత్రాన్ని కూడా పాన్ ఇండియా స్థాయిలోనే ప్రేక్షకుల ముందుకు తీసుకురావడానికి సిద్ధంగా ఉన్నారు. ఈయన తదుపరి చిత్రాన్ని కన్నడ స్టార్ట్ డైరెక్టర్ ప్రశాంత్ నీల్ దర్శకత్వంలో చేస్తున్న సంగతి మనకు తెలిసిందే.
Also Read : Devara : ‘దేవర’ దండయాత్ర.. 3 రోజుల్లో 300 కోట్లు!
Kannada Beauty Rukmini as Heroine, In NTR Movie
ఈ సినిమా ఎన్టీఆర్(Ntr) 31వ సినిమాగా ప్రేక్షకుల ముందుకు రాబోతుంది. ఇక ఈ సినిమా కూడా పాన్ ఇండియా స్థాయిలోనే విడుదల కానుంది. ఇకపోతే ఈ సినిమా ఇప్పటికే ఎంతో ఘనంగా పూజా కార్యక్రమాలను కూడా పూర్తి చేసుకుంది.. అతి త్వరలోనే రెగ్యులర్ షూటింగ్ పనులు ప్రారంభం కానున్న నేపథ్యంలో ఈ సినిమాకు సంబంధించి ప్రీ ప్రొడక్షన్ పనులు జరుగుతున్నాయి. ఇకపోతే ఈ సినిమాలో హీరోయిన్ ఎవరు అనే విషయంపై పెద్ద ఎత్తున చర్చలు జరుగుతున్న సంగతి తెలిసిందే.
ఇప్పటికే టాలీవుడ్ స్టార్ హీరోయిన్స్ అందరితో జత కట్టిన ఎన్టీఆర్ బాలీవుడ్ హీరోయిన్స్ తో కూడా నటించి సందడి చేశారు. అయితే తన తదుపరి సినిమా కోసం కన్నడ బ్యూటీని ఎంపిక చేశారని తెలుస్తోంది. ఈ సినిమా కోసం ఎన్టీఆర్ ప్రశాంత్ నీల్ కన్నడ హీరోయిన్ అయినటువంటి రుక్మిణి వసంత్ ను ఎంపిక చేసినట్టు సమాచారం. ప్రస్తుతం ఈ విషయం సోషల్ మీడియాలో వైరల్ గా మారింది. కానీ ఎక్కడ కూడా అధికారక ప్రకటన మాత్రం వెలబడలేదు.
ఇకపోతే ఈమె ఇదివరకే సప్త సాగరాలు దాటి అనే సినిమా ద్వారా తెలుగు ప్రేక్షకుల ముందుకు హీరోయిన్ గా వచ్చారు. మరి ఈమె ఎన్టీఆర్ సరసన నటించబోతున్నారంటూ వస్తున్నటువంటి ఈ వార్తలలో ఎంతవరకు నిజం ఉందనేది తెలియాలి అంటే చిత్రబృందం అధికారికంగా తెలియజేయాల్సి ఉంది.
