Ntr-Prashanth : దేవర సినిమా ద్వారా ఎంతో మంచి సక్సెస్ అందుకున్న ఎన్టీఆర్ ప్రస్తుతం తదుపరి ప్రాజెక్టులపై ఎంతో ఫోకస్ చేశారు. ప్రస్తుతం ఈయన బాలీవుడ్ చిత్రం వార్ 2 సినిమా పనులలో ఎంతో బిజీగా గడుపుతున్నారు. ఈ సినిమా పూర్తి కాగానే ఎన్టీఆర్ ప్రశాంత్ నీల్ దర్శకత్వంలో చేయబోయే సినిమా పనులలో బిజీ కాబోతున్నారు. ప్రస్తుతం ఈ సినిమా ప్రీ ప్రొడక్షన్ పనులు జరుగుతున్నాయి.
ఇక ఈ సినిమా కూడా పాన్ ఇండియా స్థాయిలోనే ప్రేక్షకుల ముందుకు రాబోతున్న నేపథ్యంలో డైరెక్టర్ ప్రశాంత్ ఈ సినిమాలో నటించే నటీనటుల ఎంపిక విషయంలో బిజీగా ఉన్నట్టు తెలుస్తుంది. ఇకపోతే ఈ సినిమాలో ఎన్టీఆర్ సరసన ఎవరు నటించబోతున్నారనే విషయంపై గత కొద్దిరోజులుగా వార్తలు హల్చల్ చేస్తున్నాయి. ఈ సినిమాలో హీరోయిన్గా కన్నడ బ్యూటీ నటించబోతుందంటూ వార్తలు వినిపించాయి.
Also Read : Ntr : ఎన్టీఆర్ గ్యారేజ్.. ఇచట ఫ్లాప్ డైరెక్టర్లకు హిట్ ఇవ్వబడును!
Rukmini’s Clarity on NTR-Prashanth Neel’s Movie: Ready to Sign?
కన్నడ మార్కెట్ పై ప్రశాంత్ భారీ స్థాయిలో ఫోకస్ పెట్టిన నేపథ్యంలో కన్నడ బ్యూటీని హీరోయిన్ గా ఎంపిక చేయబోతున్నారని వార్తలు వచ్చాయి. కన్నడ చిత్ర పరిశ్రమలో హీరోయిన్ గా ఎంతో మంచి సక్సెస్ అందుకున్న రుక్మిణి వసంత్ ఈ సినిమాలో హీరోయిన్ గా ప్రధాన పాత్రలో నటించబోతున్నారని సమాచారం. తాజాగా ఈ వార్తలపై నటి రుక్మిణి స్పందిస్తూ అసలు విషయాన్ని బయట పెట్టారు.
ప్రస్తుతం ఈమె నటించిన భగీర సినిమా ఈ నెల 31వ తేదీ విడుదల కాబోతున్న నేపథ్యంలో ప్రమోషన్ కార్యక్రమాలలో పాల్గొంటున్నారు. ఈ సినిమా ప్రమోషన్లలో భాగంగా ఎన్టీఆర్ సినిమాలో నటించబోయే విషయం గురించి ఈమెకు ప్రశ్నలు ఎదురయ్యాయి. ఈ ప్రశ్నకు ఈమె సమాధానం చెబుతూ ఎన్టీఆర్ సినిమాలో నాకు ఛాన్స్ వస్తే ఇప్పుడే సైన్ చేసేస్తాను. అదొక అందమైన రూమర్ మాత్రమే.
ఎన్టీఆర్ సినిమాలో(Ntr-Prashanth) నటించమని నన్నెవరూ ఇప్పటివరకు సంప్రదించలేదు అంటూ ఒక్క మాటతో క్లారిటీ ఇచ్చారు. ఇలా ఈమె ఎన్టీఆర్ సినిమాలో నటించడం లేదనే విషయం తెలియడంతో మరి ఈ సినిమాలో ఎవరు హీరోయిన్ గా నటించబోతున్నారు అనే విషయంపై మరోసారి ప్రశ్నలు తలెత్తుతున్నాయి. ఇక ఈ సినిమాకు సంబంధించి ఏ విషయంలో అయిన స్పష్టత రావాలి అంటే అధికారిక ప్రకటన రావాల్సి ఉంది.
