Mohan Babu : సాధారణంగా దొంగతనాలు జరగడం అనే మాటలు మనం వింటూనే ఉంటాము. అయితే సెలబ్రిటీల ఇంట్లో మాత్రం దొంగలు పడ్డారు అంటే కాస్త ఆశ్చర్యకరంగానే ఉంటుంది ఎందుకంటే ప్రతి అడుగుకి ఆ ఇంట్లో పనివాళ్ళు వర్కర్స్ అందరూ తిరుగుతూ ఉంటారు అలాంటిది సెలబ్రిటీల ఇళ్లల్లో దొంగతనం చేయాలి అంటే సాహసమే అని చెప్పాలి. అయితే ఇటీవల కాలంలో పలువురు హీరోయిన్స్ తమ ఇంట్లో దొంగతనం జరిగింది అంటూ పోలీస్ స్టేషన్లో ఫిర్యాదులు చేసిన సంగతి తెలిసిందే.
తాజాగా టాలీవుడ్ సీనియర్ హీరో మోహన్ బాబు(Mohan Babu) ఇంట్లో కూడా దొంగతనం జరిగిందని తెలుస్తోంది. మోహన్ బాబు క్రమశిక్షణకు పద్ధతికి మారుపేరు ఆయన కుటుంబ సభ్యులతో పాటు తన ఇంట్లో పనిచేసే వాళ్లు కూడా ఎంతో క్రమశిక్షణతో ఉండాలని కండిషన్లు పెడతారు. అంత క్రమశిక్షణగా ఉండే మోహన్ బాబు ఇంట్లో దొంగతనం జరిగిందనే విషయం తెలియడంతో అందరూ షాక్ అవుతున్నారు.
Also Read :Annavaram Movie: బాలయ్య వద్దంటే.. పవన్ కల్యాణ్ బ్లాక్‌బస్టర్ కొట్టిన సినిమా ఏంటో తెలుసా?
మోహన్ బాబుకు హైదరాబాద్ శివార్లలో జల్ పల్లిలో ఒక ఫామ్ హౌస్ ఉంది. ఈ ఫామ్ హౌస్ ఇదివరకు మంచు లక్ష్మి తన యూట్యూబ్ ఛానల్ ద్వారా హోమ్ టూర్ వీడియోని చేశారు. అచ్చం ఇంద్రభవనాన్ని తలపించే ఈ ఇంట్లోనే దొంగతనం జరిగిందని తెలుస్తోంది. అయితే ఈ దొంగతనం చేసింది మరెవరో కాదు తన ఇంటి పనిమనిషి అని తెలిసి అందరూ షాక్ అవుతున్నారు.
గత కొంతకాలంగా మోహన్ బాబు వద్ద ఎంతో నమ్మకంగా పనిచేస్తున్నటువంటి నాయక్ అనే వ్యక్తి ఇంట్లో ఎవరూ లేని సమయంలో 10 లక్షల రూపాయల దొంగతనం చేసి పరార్ అయ్యారు. అయితే ఈ విషయాన్ని గుర్తించిన మోహన్ బాబు మంగళవారం సాయంత్రం రాచకొండ పోలీస్ స్టేషన్లో ఫిర్యాదు చేయడంతో పోలీసులు కేసు నమోదు చేసుకొని గాలింపు చర్యలు చేపట్టగా నాయక్ తిరుపతి పోలీసులకు దొరికారు. దీంతో పోలీసులు తనని అదుపులోకి తీసుకున్నారు. ఇలా గత కొంతకాలంగా మోహన్ బాబు ఇంట్లో నమ్మకంగా పని చేస్తూ ఏకంగా 10 లక్షల రూపాయలు దొంగతనం చేశారనే విషయం తెలిసిన అభిమానులు షాక్ అవుతున్నారు. అయితే మోహన్ బాబు ఇంట్లో ఇదే మొదటిసారి కాదు గతంలో కూడా రెండు మూడు సార్లు ఇలా దొంగతనాలు జరిగాయని తెలుస్తోంది.
