Prabhakar : బుల్లితెర నటుడిగా ఎంతో మంచి సక్సెస్ అందుకున్న ప్రభాకర్ పలు సీరియల్స్ లో నటిస్తూ నటుడిగా గుర్తింపు పొందడమే కాకుండా సీరియల్స్ నిర్మిస్తూ నిర్మాతగా కూడా ఎంతో మంచి సక్సెస్ అందుకున్నారు. ఇకపోతే ఇటీవల ఈయన తన కుమారుడు చంద్రహాస్ హీరోగా రామ్ నగర్ బన్నీ అనే సినిమా ద్వారా హీరోగా ప్రేక్షకుల ముందుకు వచ్చారు. ఈ సినిమాని స్వయంగా ప్రభాకర్ నిర్మించారు.
ఈ సినిమా ఇటీవల విడుదలై మంచి టాక్ సొంతం చేసుకున్నప్పటికీ ప్రేక్షకులు మాత్రం థియేటర్లకు వెళ్లలేదు. తద్వారా కొన్ని కోట్లలో నష్టం వచ్చిందని ప్రభాకర్ ఆయన సతీమణి కూడా పలు సందర్భాలలో వెల్లడించారు. అయితే తాజాగా తన కొడుకు సినిమాకు నష్టాలు రావడానికి ఎన్టీఆర్ కారణమంటూ ఒక ఇంటర్వ్యూ సందర్భంగా ప్రభాకర్(Prabhakar) చేసిన కామెంట్స్ వైరల్ అవుతున్నాయి.
Also Read : Ntr: ఆ విషయంలో ప్రణతి నాకు రోజు గొడవే.. చాలా కాంప్రమైజ్ అవుతుంది
Prabhakar’s Sensational Comments on Losses Due to NTR
తన కుమారుడు చంద్రహాస్ కి హీరో అవ్వడం ఇష్టం అనే విషయాన్ని బయట పెట్టడంతో తాను నటనలో శిక్షణ ఇప్పించాను అయితే తనకు సినిమా పట్ల ఉన్న ఆసక్తి చూసి ఎంతో మంది నిర్మాతలు తనతో సినిమా చేయడానికి ముందుకు వచ్చారు.ఇక రెండు సినిమాలు అలానే చేశాడని.. కాని కమర్షియల్ హీరోగా ఎదగాలని.. ఈ రామ్ నగర్ బన్నీ సినిమాను తానే స్యయంగా నిర్మించాన్నారు.
ఈ సినిమా కోసం ముందుగా మేము రెండు కోట్ల బడ్జెట్ అనుకున్నాము కాని చివరికి 5 కోట్ల వరకు బడ్జెట్ అయింది. సినిమా అంతా బాగానే వచ్చింది. ఈ సినిమా విడుదలైన తర్వాత రివ్యూస్ కూడా చాలా మంచిగా వచ్చాయి. అయితే అదే సమయంలోనే ఎన్టీఆర్ దేవర సినిమా ప్రేక్షకుల ముందుకు వచ్చిన నేపథ్యంలో మా సినిమాకు వచ్చేవాళ్లు లేకుండా పోయారు. ఈ సినిమా కలెక్షన్లపై దేవర భారీ దెబ్బ కొట్టిందని తద్వారా తాము కోట్ల రూపాయలు నష్టపోయాము అంటూ ప్రభాకర్ సంచలన వ్యాఖ్యలు చేశారు.
ఇక ఎన్టీఆర్ కూడా ఆరు సంవత్సరాల తర్వాత సోలో హీరోగా ప్రేక్షకుల ముందుకు రాబోతున్న నేపథ్యంలో అభిమానులు ఈ సినిమా కోసం ఎంతో ఆత్రుతగా ఎదురు చూశారు. ఇక ఈ సినిమా సునామీలో ఎన్నో చిన్న సినిమాలు కొట్టుకుపోయాయని చెప్పాలి. ఇప్పటికే పలు చోట్ల దేవర సినిమా హవ కొనసాగుతూనే ఉందని చెప్పాలి.
