Mehboob : బిగ్ బాస్ సీజన్ 8 కార్యక్రమం 8 వారాలను ఎంతో విజయవంతంగా పూర్తి చేసుకుంది. ప్రస్తుతం తెలుగులో ప్రసారమవుతున్న ఈ సీజన్ ఎంతో మంచి ఆదరణ సొంతం చేసుకుంది. ఇకపోతే ఈ కార్యక్రమంలో భాగంగా ఎనిమిదవ వారం మాజీ బిగ్ బాస్ కంటెస్టెంట్ మహబూబ్ ఎలిమినేట్ అయ్యారు. ఈయన వైల్డ్ కార్డు ద్వారా హౌస్ లోకి అడుగుపెట్టిన సంగతి తెలిసిందే. ఇలా హౌస్ లోకి అడుగుపెట్టిన మూడు వారాలకి హౌస్ నుంచి బయటకు వచ్చారు.
ఎనిమిదవ వారంలో భాగంగా ఆరుగురు కంటెస్టెంట్లు నామినేషన్స్ లో ఉండగా మెహబూబా హౌస్ నుంచి బయటకు వచ్చారు.. నిజానికి ఈయన గత వారమే హౌస్ నుంచి బయటికి రావాల్సి ఉండగా ఈయన కోసం కిరాక్ సీతను బయటకు పంపించారంటూ ఆరోపణలు కూడా వచ్చాయి. ఎట్టకేలకు మెహబూబా ఎనిమిదవ వారం హౌస్ నుంచి బయటకు వచ్చారు.
ఇక 8వ వారం దీపావళి ఎపిసోడ్ ఎంతో ఘనంగా నిర్వహించారు. దాదాపు 3 గంటలపాటు ఈ కార్యక్రమం ఎంతో ఘనంగా కొనసాగింది. ఎంతోమంది సినీ సెలబ్రిటీల తమ సినిమా ప్రమోషన్ల కోసం బిగ్ బాస్ వేదికపై సందడి చేశారు. అనసూయ హైపర్ ఆది వంటి వారు కూడా ఈ కార్యక్రమంలో సందడి చేశారు. ఇక నామినేషన్స్ లో ఉన్న కంటెస్టెంట్లను ఒక్కొక్కరిని సేవ్ చేస్తూ బిగ్ బాస్ చివరికి మెహబూబ్ ను ఎలిమినేట్ చేశారు.
ఈ కార్యక్రమంలో భాగంగా ఎలిమినేట్ అయిన మెహబూబా వేదిక పైకి వచ్చి పలు విషయాలు వెల్లడించారు. తాను గత సీజన్లో బిగ్ బాస్ కార్యక్రమంలో పాల్గొన్నప్పుడు కూడా దీపావళి పండుగ వీక్ లోనే హౌస్ నుంచి బయటకు వచ్చాను ఇప్పుడు కూడా అదే పండుగకు బయటకు వస్తున్నాను. ఇలా ఎందుకు జరుగుతుందో నాకు అర్థం కాలేదని ఈయన కాస్త ఎమోషనల్ అయ్యారు.
ఇక వైల్డ్ కార్డు ద్వారా ఐదవ వారం బిగ్ బాస్ హౌస్ లోకి అడుగుపెట్టిన మెహబూబ్ మూడు వారాలపాటు హౌస్ లో కొనసాగారు. దీంతో ఈయన రెమ్యూనరేషన్ ఎంత అనే విషయం గురించి కూడా సోషల్ మీడియాలో వార్తలు హల్చల్ చేస్తున్నాయి. ఈయన ఒక వారానికి ఐదు లక్షల రూపాయలు చొప్పున అగ్రిమెంట్ కుదుర్చుకున్నారని తెలుస్తుంది. ఇలా మూడు వారాలపాటు హౌస్ లో కొనసాగిన మెహబూబా 15 లక్షల రూపాయల రెమ్యూనరేషన్ అందుకున్నారని తెలుస్తుంది. మూడు వారాలకే 15 లక్షలు అంటే మామూలు విషయం కాదని చెప్పాలి.
