Mahesh Babu: టాలీవుడ్ సూపర్ స్టార్ మహేష్ బాబు ప్రస్తుతం రాజమౌళి డైరెక్షన్లో సినిమా చేయబోతున్న విషయం తెలిసిందే. ఈయన చివరిగా గుంటూరు కారం సినిమా ద్వారా ప్రేక్షకుల ముందుకు వచ్చారు. ఈ సినిమా తర్వాత రాజమౌళితో సినిమాకు కమిట్ అయ్యారు. ప్రస్తుతం ఈ సినిమా ప్రీ ప్రొడక్షన్ పనులు జరుగుతున్నాయి. ఇక ఈ సినిమా రెగ్యులర్ షూటింగ్ పనులు వచ్చే ఏడాది జనవరి నుంచి ప్రారంభంకాబోతాయని ఇటీవల విజయేంద్ర ప్రసాద్ వెల్లడించారు.
ఇక ఈ సినిమా రెగ్యులర్ షూటింగ్ పనులు త్వరలోనే ప్రారంభం కాబోతున్న నేపథ్యంలో ఇందులో నటీనటుల ఎంపిక విషయంలో కూడా రాజమౌళి ఎంతో బిజీగా ఉన్నారని తెలుస్తోంది. ఇక ఈ సినిమాలో మహేష్ బాబుకు గట్టి పోటీ ఇవ్వడం కోసం విలన్ పాత్రలో నటుడు రానా నటించబోతున్నట్లు ఇదివరకు వార్తలు వచ్చాయి. పాన్ వరల్డ్ స్థాయిలో ఈ సినిమాని రాజమౌళి ప్లాన్ చేస్తున్నట్టు తెలుస్తోంది ఇక హాలీవుడ్ టెక్నీషియన్లు కూడా ఈ సినిమాలో భాగమవుతున్నారు.
Also Read : Mahesh Babu: నేషనల్ లెవల్లో 8వ స్థానంలో మహేశ్.. వాట్ ఏ చేంజ్
Mahesh Babu and Rajamouli’s Film to Be Split into Two Parts
ఇదిలా ఉండగా తాజాగా ఈ సినిమాకు సంబంధించి మరొక వార్త కూడా వైరల్ అవుతుంది. ఈ సినిమా ఒకే భాగంలో పూర్తి చేయడం సాధ్యపడదని అందుకే రెండు భాగాలుగా ఈ సినిమాని ప్రేక్షకుల ముందుకు తీసుకురావడానికి రాజమౌళి సిద్ధమయ్యారంటూ ఒక వార్త సోషల్ మీడియాలో చక్కెరలు కొడుతుంది. ఇలా ఈ సినిమా రెండు భాగాలుగా రాబోతుంది అంటూ వస్తున్న వార్తలలో ఎంతవరకు నిజం ఉందో లేదో తెలియదు కానీ మహేష్ అభిమానులు మాత్రం ఒక్కసారిగా షాక్ అవుతున్నారు. మహేష్ బాబు నటించిన గుంటూరు కారం సినిమా తర్వాత ఈ సినిమా షూటింగ్ జరగడానికి ఏకంగా ఏడాది సమయం పట్టింది.
ఇక ఈ సినిమా షూటింగ్ పూర్తిచేసుకుని విడుదలవడానికి మరో మూడు సంవత్సరాలు పడుతుందని, రెండు భాగాలు అంటే దాదా 10 సంవత్సరాల పాటు మహేష్ బాబు రాజమౌళి బందీ ఖానాలోనే ఉండాల్సి వస్తుంది. మరో 10 సంవత్సరాలపాటు మహేష్ బాబును ఇతర సినిమాలలో చూడలేమా అంటూ అభిమానులు షాకింగ్ కామెంట్స్ చేస్తున్నారు. మరి ఈ సినిమా రెండు భాగాలుగా రాబోతుందనే విషయం గురించి మేకర్స్ అధికారికంగా ప్రకటిస్తేనే ఓ స్పష్టత వస్తుంది.
