k angana ranaut : ప్రముఖ బాలీవుడ్ నటి, మండి లోక్‌సభ ఎంపీ కంగనా రనౌత్ కొత్త ఎస్‌యూవీని కొనుగోలు చేశారు. నటి ఇంటికి వచ్చిన ఈ కొత్త ఎస్ యూవీ… రేంజ్ రోవర్. దీని ధర రూ. 2 కోట్ల కంటే ఎక్కువ. కంగనా రనౌత్ ఆదివారం నాడు రేంజ్ రోవర్ ఎస్ యూవీని డెలివరీ తీసుకోవడం, పూజ చేపించడం చూడవచ్చు. కంగనా రనౌత్(kangana ranaut) ఇంటికి వచ్చిన ఈ రేంజ్ రోవర్ ఎస్ యూవీ ప్రారంభ ఎక్స్-షోరూమ్ ధర 2.60 కోట్లు. కొత్త రేంజ్ రోవర్ ఎస్ యూవీ ఫీచర్లు, పవర్‌ట్రెయిన్ గురించి వివరంగా తెలుసుకుందాం.
13.1-అంగుళాల స్క్రీన్
ఈ రేంజ్ రోవర్ ఎస్ యూవీలో, కస్టమర్‌లు 13.1-అంగుళాల ఇన్ఫోటైన్‌మెంట్ స్క్రీన్, 13.7-అంగుళాల డిజిటల్ డ్రైవర్ డిస్‌ప్లే, 35-స్పీకర్ మెరిడియన్ సౌండ్ సిస్టమ్, హెడ్-అప్ డిస్‌ప్లే, వెదర్ కంట్రోల్, మల్టీ-జోన్ వంటి ఫీచర్లను పొందుతారు.
Also Read : Kia బంపర్ ఆఫర్.. ఈ ఎలక్ట్రిక్ కారుపై రూ.15లక్షల తగ్గింపు..ఒక్కసారి ఛార్జింగ్ చేస్తే 700కి.మీ.
Kangana Ranaut’s New SUV: What Makes It Special with a ₹2 Crore Price Tag?
ఎస్ యూవీ పవర్‌ట్రెయిన్
వినియోగదారులు రెండు ఇంజిన్‌ల ఆప్షన్లను పొందుతారు. మొదటిది 3.0-లీటర్ పెట్రోల్ ఇంజన్ 394bhp గరిష్ట శక్తిని, 550Nm గరిష్ట టార్క్‌ను ఉత్పత్తి చేయగలదు. అయితే 3.0-లీటర్ డీజిల్ ఇంజన్ గరిష్టంగా 354bhp శక్తిని, 700Nm గరిష్ట టార్క్‌ను ఉత్పత్తి చేయగలదు. రేంజ్ రోవర్ ఎస్ యూవీ కేవలం 5.9 సెకన్లలో గంటకు 0 నుండి 100 కిలోమీటర్ల వేగాన్ని అందుకోగలదని, దాని గరిష్ట వేగం గంటకు 242 కిలోమీటర్లు.
టాటా మోటార్స్ యాజమాన్యంలోని ల్యాండ్ రోవర్ భారతదేశంలో రేంజ్ రోవర్ ఎస్ యూవీ 2 వేరియంట్‌లను విక్రయిస్తుంది. అయితే ఇటీవల కంపెనీ రేంజ్ రోవర్ ఎస్ యూవీ రణథంబోర్ ఎడిషన్‌ను రూ. 4.98 కోట్ల ఎక్స్-షోరూమ్ ధరతో విడుదల చేసింది. రేంజ్ రోవర్ ఎస్ యూవీ బాలీవుడ్ నటీనటులలో నిరంతరం ప్రాచుర్యం పొందుతుంది. ప్రస్తుతం, సల్మాన్ ఖాన్, సంజయ్ దత్, హృతిక్ రోషన్, కార్తీక్ ఆర్యన్, జాన్వీ కపూర్, అనన్య పాండే వంటి నటులు కూడా రేంజ్ రోవర్ ఎస్ యూవీని కలిగి ఉన్నారు.
