Dulquer salman : ప్రస్తుతం సినీ ఇండస్ట్రీలో ఒక భాషా హీరోలు మరొక భాషలో సినిమాలు చేయడం సర్వసాధారణం అయింది. ఒకప్పుడు కేవలం ఒక భాష హీరోలు అదే భాషకు మాత్రమే పరిమితమయ్యేవారు కానీ ప్రస్తుతం సినిమాలన్నీ కూడా పాన్ ఇండియా స్థాయిలో ప్రేక్షకుల ముందుకు వస్తున్న నేపథ్యంలో ప్రతి ఒక్క సినిమాలో కూడా అన్ని భాష హీరోలు సెలబ్రిటీలు బాగమవుతున్నారు.
ఇక మలయాళ చిత్ర పరిశ్రమలో నటుడుగా ఎంతో మంచి గుర్తింపు సంపాదించుకున్న నటుడు దుల్కర్ సల్మాన్ కూడా తెలుగులో అదే స్థాయిలో ఆదరణ సొంతం చేసుకున్నారు.. మహానటి సినిమాలో జెమినీ గణేషన్ పాత్రలో నటించి ప్రేక్షకులను మెప్పించిన దుల్కర్ సల్మాన్ అనంతరం సీతారామం సినిమా ద్వారా తెలుగు ప్రేక్షకుల ముందుకు వచ్చారు.
Also Read : Prabhas : జనమంతా ఇన్ స్టాలో ప్రభాస్ ను ఫాలో అవుతుంటే.. కానీ ఆయన ఫాలో అయ్యేది మాత్రం ఈ 23 మందినే..!
Dulquer Salman’s Exciting Comment: A Multi-Starrer with Prabhas on the Cards?
ఈ సినిమా ఎంతో అద్భుతమైన విజయాన్ని సొంతం చేసుకోవడంతో అప్పటినుంచి ఈయన పూర్తిస్థాయి తెలుగు సినిమాలలో కూడా నటిస్తున్నారు. త్వరలోనే లక్కీ భాస్కర్ అనే సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. దీపావళి పండుగను పురస్కరించుకొని ఈ సినిమా విడుదల కాబోతున్న నేపథ్యంలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా ఈయనకు ఒక ఆసక్తికరమైన ప్రశ్న ఎదురయింది.
ఇటీవల కాలంలో మల్టీ స్టార్ సినిమాలు పెద్ద ఎత్తున ప్రేక్షకుల ముందుకు వస్తున్నాయి అయితే మీరు కనుక తెలుగు హీరోలతో మల్టీ స్టార్ సినిమా చేయాలి అనుకుంటే ఏ హీరోతో చేస్తారనే ప్రశ్న ఎదురయింది. ఈ ప్రశ్నకు దుల్కర్ సల్మాన్(Dulquer salman) సమాధానం చెబుతూ.. తనకు కనుక అలాంటి అవకాశం వస్తే తప్పకుండా ప్రభాస్ తో మల్టీ స్టార్లర్ సినిమా చేస్తానని తెలిపారు..
ప్రభాస్ తోనే ఎందుకు చేయాలనుకుంటున్నారు అనే ప్రశ్న ఎదురయింది. దీంతో ప్రభాస్ తో ఉంటే చాలా సరదాగా ఉంటుందని ఈ సందర్భంగా దుల్కర్ వెల్లడించారు. అయితే ఇటీవల ప్రభాస్ హీరోగా నటించిన కల్కి సినిమాలో ఈయన కూడా చిన్న పాత్రలో నటించిన సంగతి తెలిసిందే.అలాగే ఎన్టీఆర్, రామ్ చరణ్ తోనూ సరదాగా ఉంటుంటా. మంచి కథతో వస్తే అల్లు అర్జున్, అఖిల్, రానా, నానితోనూ స్క్రీన్ షేర్ చేసుకుంటా అని చెప్పారు.
