Mokshagna: నందమూరి నట సింహం బాలకృష్ణ కుమారుడు మోక్షజ్ఞ హీరోగా ఎంట్రీ ఇవ్వబోతున్న విషయం మనకు తెలిసిందే. చాలా ఆలస్యంగా మోక్షజ్ఞ ఇండస్ట్రీలోకి ఎంట్రీ ఇస్తున్న సరైన కథ సరైన దర్శకుడిని ఎంపిక చేసుకున్నారని చెప్పాలి. ప్రశాంత్ వర్మ దర్శకత్వంలో సోసియో ఫాంటసీ మైథాలజికల్ నేపథ్యంలో ఈ సినిమా రాబోతుందని తెలుస్తోంది.
ఇక ఈ సినిమాకు సంబంధించి రోజుకు ఒక వార్త సోషల్ మీడియాలో వైరల్ అవుతుంది. ఈ సినిమాలో హీరోయిన్ గా బాలీవుడ్ హీరోయిన్ నటించబోతున్నారంటూ లేదు శ్రీ లీల హీరోయిన్గా నటించబోతున్నారు అంటూ వార్తలు వినపడుతున్నాయి. ఇంకా హీరోయిన్ ఎవరు అనే విషయంపై సరైన సమాచారం మాత్రం అధికారకంగా వెల్లడించలేదు.
ఇదిలా ఉండగా తాజాగా ఈ సినిమాకి సంబంధించి మరొక వార్త సోషల్ మీడియాలో వైరల్ అవుతుంది. ఈ సినిమాలో విలన్ పాత్ర చాలా పవర్ ఫుల్ గా ఉండబోతుందని అందుకే ప్రశాంత్ వర్మ కూడా పవర్ ఫుల్ విలన్ ను ఎంపిక చేశారని తెలుస్తోంది. మరి మోక్షజ్ఞతో పోటీ పడిపోయే ఆ హీరో ఎవరు అనే విషయానికొస్తే ఆయన మరెవరో కాదు దగ్గుబాటి రానా అని సమాచారం.
రానా హీరోగా మాత్రమే కాకుండా కథ పాత్ర నచ్చితే విలన్ పాత్రలకు కూడా కమిట్ అవుతున్నారు. ఇప్పటికే బీమ్లా నాయక్ బాహుబలి వంటి సినిమాలలో విలన్ పాత్రలలో నటించిన రానా పాన్ ఇండియా స్థాయిలో ఎంతో మంచి క్రేజీ సొంతం చేసుకున్నారు. ఈ క్రమంలోనే మోక్షజ్ఞ సినిమా కూడా పాన్ ఇండియా స్థాయిలో విడుదల కాబోతున్న నేపథ్యంలో రానా అయితే బాగుంటుందన్న ఉద్దేశంతోనే ప్రశాంత్ వర్మ ఈయన పేరును సూచించినట్టు తెలుస్తోంది.
ఇక రానా విలన్ గా నటిస్తున్నారు అంటే మోక్షజ్ఞ పాత్ర కూడా చాలా పవర్ఫుల్ గా ఉండబోతుందని తెలుస్తుంది. మరి మోక్షజ్ఞ సినిమా గురించి వస్తున్న ఈ వార్తలలో ఎంతవరకు నిజం ఉందనేది తెలియదు కానీ ఇదే కనుక నిజమైతే ఈ సినిమా బ్లాక్ బాస్టరేనని నందమూరి అభిమానులు కామెంట్ చేస్తున్నారు. అయితే ఈ సినిమాకు సంబంధించి ఏ విషయమైనా అధికారక ప్రకటన వచ్చేవరకు ఎదురుచూడాల్సిందే.
