Prabhas: పాన్ ఇండియా స్టార్ హీరో ప్రభాస్ ప్రస్తుతం పుట్టినరోజు వేడుకలను జరుపుకుంటున్నారు. అక్టోబర్ 23వ తేదీ ప్రభాస్ పుట్టిన రోజు కావడంతో గత మూడు రోజులుగా ప్రభాస్ నటించిన సినిమాలను తిరిగి థియేటర్లలో విడుదల చేయడంతో అభిమానులు పెద్ద ఎత్తున సందడి చేస్తున్నారు.
ఇకపోతే ప్రభాస్ కొత్త సినిమాలకు సంబంధించిన అప్డేట్స్ కోసం కూడా అభిమానులు ఎదురుచూస్తున్నారు. ఇక రెండు తెలుగు రాష్ట్రాలలో ప్రభాస్ అభిమానులు పెద్ద ఎత్తున తమ అభిమాన హీరో పుట్టిన రోజు వేడుకలను నిర్వహిస్తున్నారు. ప్రభాస్(Prabhas) పాన్ ఇండియా స్టార్ హీరోగా ఎంతో మంచి గుర్తింపు సంపాదించుకోవడమే కాకుండా తెలుగు చిత్ర పరిశ్రమ పేరు ప్రఖ్యాతలను కూడా పెంచారని చెప్పాలి.
Also Read:Tarak: ముంబైలో అడుగుపెట్టిన తారక్… హృతిక్ రోషన్ తో యుద్ధానికి సిద్దం!
Chiranjeevi’s Special Wishes to Prabhas: “That Cutout Says It All
ఇక ప్రభాస్ పుట్టిన రోజు సందర్భంగా టాలీవుడ్ ఇండస్ట్రీకి సంబంధించిన సినీ సెలబ్రిటీలు దర్శక నిర్మాతలు ఈయనకు సోషల్ మీడియా వేదికగా పుట్టినరోజు శుభాకాంక్షలు తెలుపుతున్నారు.ఈ క్రమంలోనే మెగాస్టార్ చిరంజీవి సోషల్ మీడియా వేదికగా ప్రభాస్ కి స్పెషల్ విషెస్ తెలియజేశారు. ఆ కటౌట్ చూసి అన్ని నమ్మేయాలి డ్యూడ్.
అతను ప్రేమించే పద్ధతి చూసి తిరిగి అమితంగా ప్రేమించేస్తాం. హ్యాపీ బర్త్డే డార్లింగ్ ప్రభాస్ మీకు ఈ ఏడాది మరింత ప్రేమ కీర్తి సంతోషం కలగాలని కోరుకుంటున్నాను అంటూ చిరంజీవి శుభాకాంక్షలు తెలియచేస్తారు. ఇక చరణ్ కూడా స్పందిస్తూ నా ప్రియమైన మిత్రుడు ప్రభాస్ కి పుట్టినరోజు శుభాకాంక్షలు ఆ భగవంతుడి ఆశీస్సులతో దీర్ఘాయుష్షుతో ఆరోగ్యంగా ఉండాలని కోరుకుంటున్నానని తెలిపారు.
ప్రభాస్ ప్రాణ స్నేహితుడు గోపీచంద్ సోషల్ మీడియా వేదికగా స్పందిస్తూ ఇండియాలోనే అతిపెద్ద స్టార్ హీరోలలో ఒకరిగా, మీ వినయపూర్వకమైన మరియు నిరాడంబరమైన స్వభావం మిమ్మల్ని మరింత ఎత్తుకు తీసుకెళ్తుంది. ఈ ప్రత్యేకమైన రోజున మీరు కోరుకున్న ప్రతి దానిలో మంచే జరగాలని కోరుకుంటున్నాను అంటూ శుభాకాంక్షలు తెలిపారు. వీరితోపాటు డైరెక్టర్ ప్రశాంత్ వర్మ, అనిల్ రావిపూడి, బాబి, హీరో శ్రీ విష్ణు, శర్వానంద్ వంటి తదితరులు ప్రభాస్ కి సోషల్ మీడియా వేదికగా పుట్టినరోజు శుభాకాంక్షలు తెలియజేస్తూ పోస్టులు చేస్తున్నారు.
