Chiranjeevi: ఎలాంటి సినీ బ్యాగ్రౌండ్ లేకుండా ఇండస్ట్రీలోకి వచ్చి ఎంతో మంచి సక్సెస్ అందుకున్న వారిలో నటుడు చిరంజీవి ఒకరు. ఈయన ఇండస్ట్రీలో స్టార్ హీరోగా కొనసాగడమే కాకుండా ఎంతో మందికి స్ఫూర్తిగా నిలిచారు. ఇలా చిరంజీవిని స్ఫూర్తిగా తీసుకొని ఎంతోమంది కొత్త హీరోలు ఇండస్ట్రీలోకి అడుగుపెట్టి మంచి సక్సెస్ అందుకున్న విషయం తెలిసిందే. ఇక మెగా కుటుంబం నుంచి కూడా ఎంతోమంది హీరోలుగా ఇండస్ట్రీలోకి అడుగు పెట్టారు.
చిరంజీవి(Chiranjeevi) వారసుడిగా రామ్ చరణ్ చిరుత సినిమా ద్వారా ప్రేక్షకుల ముందుకు వచ్చి మొదటి సినిమాతోనే తెలుగు ప్రేక్షకాభిమానులను సొంతం చేసుకున్నారు. ఇక ఈ సినిమా తర్వాత మగధీర సినిమాతో బ్లాక్ బస్టర్ హిట్ అందుకున్న చరణ్ కెరియర్ పరంగా వెనక్కి తిరిగి చూసుకోలేదు. నటన విషయంలో తండ్రికి మించిన తనయుడు అనే పేరు ప్రఖ్యాతలను కూడా సొంతం చేసుకున్నారు.. ఇకపోతే చరణ్ విషయంలో చిరంజీవి ఒక తండ్రిగా ఎంతో సంతోషంలో ఉన్నారు. అయితే తన కుమారుడి విషయంలో తనకు ఇంకా ఒకటి తీరని కోరిక ఉందని తన మనసులో కోరికను చిరంజీవి ఒక సందర్భంలో బయటపెట్టారు.
Also Read : Siddharth : సిద్దార్థ్ తన పెళ్లిలో పెట్టుకున్న ఈ వాచ్ ఖరీదు ఎంతో తెలుసా?
Chiranjeevi Reveals His Heartfelt Wish: “I Want to See Charan Do This
ఈయన ఇటీవల ఒక ఇంటర్వ్యూలో పాల్గొనగా తనకు ఒక ఆసక్తికరమైన ప్రశ్న ఎదురైంది. చిరంజీవి గారు నటించిన సూపర్ హిట్ సినిమాలలో ఏ సినిమాని మీ కుమారుడు రామ్ చరణ్ రీమేక్ చేయాలని కోరుకుంటున్నారనే ప్రశ్న ఎదురయింది. ఈ ప్రశ్నకు చిరంజీవి సమాధానం చెబుతూ చరణ్ నేను నటించిన సినిమాలలో స్వయంకృషి సినిమాని తిరిగి రీమేక్ చేస్తే చూడాలని ఉంది అంటూ తన మనసులో ఉన్న కోరికను బయట పెట్టారు.
చిరంజీవి ఇలాంటి సమాధానం చెప్పడంతో మెగా అభిమానులు కూడా చిరంజీవి(Chiranjeevi) కోరికను స్వాగతిస్తూ ప్రస్తుత జనరేషన్ కు అనుగుణంగా స్వయంకృషి సినిమాలో కాస్త మార్పులు చేర్పులు చేసి చరణ్ తో కనుక తీస్తే తప్పకుండా హిట్ అవుతుంది అంటూ కామెంట్లు చేస్తున్నారు. మరి తండ్రి కోరికను చరణ్ నెరవేరుస్తారా లేదా అనేది తెలియాల్సి ఉంది. ఇక చరణ్, చిరంజీవి ప్రస్తుతం ఇద్దరు కూడా వరుస ప్రాజెక్టులకు కమిట్ అవుతూ కెరియర్ పట్ల బిజీగా ఉన్నారు.
