Balakrishna : నందమూరి బాలకృష్ణ వ్యాఖ్యాతగా అన్ స్టాపబుల్ కార్యక్రమాన్ని ఎంతో విజయవంతంగా ముందుకు నడిపిస్తున్న విషయం తెలిసిందే.ఇప్పటికే మూడు సీజన్లను పూర్తి చేసుకున్న ఈ కార్యక్రమం తాజాగా నాలుగవ సీజన్ కూడా ప్రసారమవుతుంది. నాలుగవ సీజన్లో భాగంగా మొదటి ఎపిసోడ్ గెస్ట్ గా ఏవి ముఖ్యమంత్రి చంద్రబాబు నాయుడు హాజరుకాగా రెండో గెస్టుగా దుల్కర్ సల్మాన్ హాజరయ్యారు.
దుల్కర్ సల్మాన్ హీరోగా నటించిన లక్కీ భాస్కర్ సినిమా దీపావళి పండుగ సందర్భంగా విడుదల అయింది.ఇక ఈ సినిమా ప్రమోషన్ కార్యక్రమాలలో భాగంగా హీరో దుల్కర్ సల్మాన్ తో పాటు హీరోయిన్ మీనాక్షి చౌదరి అలాగే డైరెక్టర్ వెంకీ అట్లూరి కూడా బాలయ్య(Balakrishna) టాక్ షో కి హాజరయ్యారు. ఈ కార్యక్రమంలో బాలకృష్ణ ఎప్పటిలాగే వారందరితో సరదాగా ముచ్చటిస్తూ ఆసక్తికరమైన ప్రశ్నలు వేశారు.
Also Read : Balakrishna: నందమూరి వారసులు వాళ్లేనా… ఎన్టీఆర్ వారసుడు కాదా.. బాలయ్య షాకింగ్ కామెంట్స్?
Balakrishna Gives Dulquer Salman a Bumper Offer – Script Preparation Underway?
ఇక దుల్కర్ సల్మాన్ తండ్రి మమ్ముట్టి గారి గురించి కొన్ని విషయాలు అడిగి తెలుసుకోవడమే కాకుండా ఆయనతో తనకున్న పరిచయం స్నేహం గురించి తెలియజేస్తూ ఈ కార్యక్రమంలో ఏకంగా దుల్కర్ తండ్రికి వీడియో కాల్ చేసి మరి మాట్లాడారు.ఇక సినిమాల గురించి బాలకృష్ణ మాట్లాడుతూ నేను మా నాన్న ఎన్టీఆర్ గారితో కలిసి చాలా సినిమాలలో నటించాను. అలాగే నువ్వు కూడా మీ నాన్నగారితో కలిసి ఎప్పుడు సినిమాలలో నటిస్తున్నావు అంటూ ప్రశ్నించారు.
ఈ ప్రశ్నకు దుల్కర్ సల్మాన్ సమాధానం చెబుతూ నేను కూడా ఆ అవకాశం కోసమే ఎదురుచూస్తున్నానని తెలియజేశారు. దుల్కర్ ఇలాంటి కామెంట్స్ చేయడంతో వెంటనే బాలయ్య మాట్లాడుతూ తనకు ఒక బంపర్ ఆఫర్ ఇచ్చారు. మీరు నా కొడుకు మోక్షజ్ఞ నా కోసం ఒక స్క్రిప్ట్ సిద్ధం చేయండి నేను కూడా నీకు మీ నాన్న కోసం ఒక స్క్రిప్ట్ సిద్ధం చేస్తాను అంటూ ఈ సందర్భంగా బాలకృష్ణ చేసిన కామెంట్స్ వైరల్ అవుతున్నాయి.
ఇక ఈ కార్యక్రమంలో వీరు లక్కీ భాస్కర్ సినిమా గురించి అలాగే వారి వ్యక్తిగత విషయాల గురించి కూడా మాట్లాడారు. ఇక దీపావళి పండుగ సందర్భంగా ప్రేక్షకుల ముందుకు వచ్చిన లక్కీ భాస్కర్ సినిమా ఎంతో అద్భుతమైన ఆదరణ సొంతం చేసుకొని మంచి కలెక్షన్స్ రాబడుతుంది.
