Unstoppable 4 : బాలకృష్ణ హీరోగా ఇండస్ట్రీలో ఎంతో మంచి సక్సెస్ అందుకున్నారు. అయితే ఈయన హీరోగా మాత్రమే కాకుండా వ్యాఖ్యాతగా కూడా తన స్టామినా ఏంటో అన్ స్టాపబుల్ కార్యక్రమం ద్వారా నిరూపించుకున్నారు. ఈ కార్యక్రమం ఆహా ఓటీటీలో ప్రసారమవుతూ ఎంతో మంచి ఆదరణ సొంతం చేసుకుంది. ఇప్పటికే విజయవంతంగా ఈ షో మూడు సీజన్లను పూర్తి చేసుకుంది. అయితే ఈ దసరా పండుగను పురస్కరించుకొని నాలుగవ సీజన్ కూడా ప్రసారం కాబోతుందని తెలుస్తుంది.
ఈ నాలుగవ సీజన్లో(Unstoppable 4) భాగంగా మొదటి ఎపిసోడ్ కి సంబంధించిన షూటింగ్ కూడా జరుగుతోందని సమాచారం. ఇప్పటివరకు ఈ కార్యక్రమానికి సినిమా సెలబ్రిటీలతో పాటు రాజకీయ నాయకులూ కూడా హాజరయ్యారు. వారందరి వృత్తిపరమైన వ్యక్తిగత విషయాల గురించి బాలయ్య ప్రశ్నిస్తూ ఆసక్తికరమైన సమాధానాలను రాబట్టారు.
Also Read : Balakrishna: నందమూరి వారసులు వాళ్లేనా… ఎన్టీఆర్ వారసుడు కాదా.. బాలయ్య షాకింగ్ కామెంట్స్?
Unstoppable 4: Balayya’s First Episode Guests Revealed – Do You Know Who?
ఇకపోతే నాలుగవ సీజన్ కి సంబంధించిన మొదటి ఎపిసోడ్ త్వరలోనే ప్రసారం కాబోతోంది. ఈ మొదటి ఎపిసోడ్ లో భాగంగా గెస్ట్ లుగా ప్రముఖ మలయాళీ నటుడు దుల్కర్ సల్మాన్ హాజరు కాబోతున్నట్టు తెలుస్తుంది. ఈయనతో పాటు డైరెక్టర్ వెంకీ అట్లూరి తొలి ఎపిసోడ్ కు వస్తున్నారు. లక్కీ భాస్కర్ సినిమా అక్టోబర్ నెలలో విడుదల కాబోతుంది. ఈ క్రమంలోనే అన్‌స్టాపబుల్ మొదటి ఎపిసోడ్ కు వీళ్ళని ఆహ్వానించారని తెలుస్తుంది.
ఇక సీజన్లో భాగంగా బాలకృష్ణ ఇద్దరు కుమార్తెలతో పాటు ఇద్దరు అల్లుళ్ళు కూడా ఈ కార్యక్రమానికి ముఖ్య అతిథులుగా రాబోతున్నారని తెలుస్తోంది. ఇప్పటికే నారా లోకేష్ తన తండ్రి చంద్రబాబు నాయుడుతో కలిసి సీజన్ 2 కార్యక్రమంలో పాల్గొన్న సంగతి తెలిసిందే. అయితే ప్రస్తుతం లోకేష్ మంత్రి హోదాలో తిరిగి తన భార్యతో ఈ కార్యక్రమానికి రాబోతున్నారని తెలుస్తోంది. ఇక వీరితోపాటు తెలంగాణ ముఖ్యమంత్రి రేవంత్ రెడ్డి కూడా హాజరు కాబోతున్నట్టు సమాచారం. అయితే ఈ గెస్ట్ లకు సంబంధించిన వివరాలు అధికారకంగా తెలియజేయాల్సింది.
ఇక బాలకృష్ణ సినిమాల విషయానికి వస్తే ప్రస్తుతం ఈయన బాబి డైరెక్షన్ లో ఓ సినిమా చేస్తున్న సంగతి తెలిసిందే. ప్రస్తుతం ఈ సినిమా NBK 109 అనే వర్కింగ్ టైటిల్ తో షూటింగ్ పనులను జరుపుకుంటుంది ఈ సినిమా వచ్చే ఏడాది సంక్రాంతి పండుగను పురస్కరించుకొని విడుదలకు సిద్ధమవుతుంది.
