Amaran : దేశం కోసం ప్రాణాలు అర్పించి అమరుడైన మేజర్ ముకుంద్ వరదరాజన్ జీవిత కథ ఆధారంగా తెరికెక్కిన అమరన్(Amaran) అనే సినిమా ఇటీవల ప్రేక్షకుల ముందుకు వచ్చిన విషయం మనకు తెలిసినదే. హీరో శివ కార్తికేయన్ సాయి పల్లవి జంటగా నటించిన ఈ సినిమా దీపావళి పండుగను పురస్కరించుకొని అక్టోబర్ 31వ తేదీ ప్రేక్షకుల ముందుకు వచ్చి ఎంతో అద్భుతమైన ఆదరణ సొంతం చేసుకుంది.రాజ్ కుమార్ పెరియాసామి దర్శకత్వంలో కమల్ హాసన్ నిర్మాణ సంస్థలో తెరకెక్కి ప్రేక్షకుల ముందుకు వచ్చింది.
ఇండియన్ ఆర్మీ నేపథ్యంలో వచ్చిన ఈ సినిమా బడ్జెట్ ఎంత? బ్రేక్ ఈవెన్ టార్గెట్ ఎంత? సాధించిన కలెక్షన్లు ఎంత అనే వివరాల్లోకి వెళితే..జమ్ము, కశ్మీర్‌లో మిలిటెంట్లను అత్యంత ధైర్య సాహసంతో ఎదుర్కొని యుద్ధభూమిలో అమరుడైన ఈ యోధుడి కథను సుమారుగా 200 కోట్ల వరకు బడ్జెట్ కేటాయించారని తెలుస్తుంది. పెద్ద ఎత్తున ఈ సినిమా ప్రమోషన్ కార్యక్రమాలను నిర్వహించడంతో ఈ సినిమా పై భారీ స్థాయిలో అంచనాలు కూడా ఏర్పడ్డాయి.
Also Read : Annavaram Movie: బాలయ్య వద్దంటే.. పవన్ కల్యాణ్ బ్లాక్‌బస్టర్ కొట్టిన సినిమా ఏంటో తెలుసా?
Amaran Sets Record High for First Day Openings – How Many Crores?
ఇక సినిమా నుంచి విడుదల చేసిన అప్డేట్స్ సినిమాపై అంచనాలను పెంచడంతో ప్రీ రిలీజ్ బిజినెస్ కూడా భారీగానే జరుపుకుంది.సినిమా థియేట్రికల్ హక్కులను 65 కోట్లకుపైగా జరిగింది. తమిళనాడు హక్కులు 40 కోట్లు,తెలుగు రాష్ట్రాల హక్కులు 7 కోట్లు,ఓవర్సీస్, నార్త్ ఇండియా హక్కులు 18 కోట్ల అమ్ముడుపోయాయి. ఓవరాల్ గా ఈ సినిమా 65 కోట్ల షేర్ 130 కోట్ల గ్రాస్ కలెక్షన్స్ టార్గెట్ గా బాక్సాఫీస్ బరిలో దిగింది.
ఇక ఈ సినిమా అడ్వాన్స్ బుకింగ్ విషయానికి వస్తే అన్ని రాష్ట్రాలలో కలిపి 27 కోట్ల వరకు కలెక్షన్స్ రాబట్టింది అలాగే మొదటి రోజు ఓపెనింగ్స్ లో భాగంగా ఈ సినిమా తమిళనాడు ఆంధ్ర తెలంగాణ ఓవర్సీస్ తో కలిపి ఏకంగా 35 కోట్ల వరకు కలెక్షన్స్ వచ్చాయని ట్రేడ్ వర్గాల నిపుణులు చెబుతున్నారు. ఇక ఈ సినిమాకు మరింత పాజిటివ్ రెస్పాన్స్ వస్తే కలెక్షన్లు కూడా పెరిగే అవకాశాలు ఉన్నాయని ఇదే మాదిరిగా కలెక్షన్లను రాబడితే బ్రేక్ ఈవెన్ సాధించడం పెద్ద కష్టతరం ఏం కాదని తెలుస్తోంది.
