Satyadev Kancharana : హీరో ‘సత్యదేవ్’.. ఈ పేరు గురించి ప్రత్యేకంగా పరిచయం అక్కర్లేదు. ఆయన డైలాగులకు అందరూ ఫిదా అవుతారు. ఏ క్యారెక్టర్ చేసిన అందులో సత్యదేవ్ జీవిస్తారు అనడంలో అతిశయోక్తి లేదు. అలాంటి వ్యక్తి ఇక్క సారిగా ఏమీ హీరోగా పరిచయం కాలేదు. ఒక క్యారెక్టర్ ఆర్టిస్టుగా కెరీర్ ప్రారంభించిన సత్యదేవ్ హీరోగా మారాడు. జ్యోతిలక్ష్మి, తిమ్మరుసు, గువ్వ గోరింక, సుముంద వింతమం, కృష్ణమ్మ సినిమాలతో యంగ్ అండ్ టాలెంటెడ్ హీరోగా మంచి పేరు సంపాదించాడు.
మెగాస్టార్ చిరంజీవి ‘గాడ్ ఫాదర్’ సినిమాలో విలనిజంతో ఆకట్టుకున్నాడు. కొత్త కథలతో ప్రేక్షకుల ముందుకు వచ్చే సత్యదేవ్.. ‘ఆర్ఆర్ఆర్’ వంటి పాన్ ఇండియా సినిమాల్లోనూ నటించాడు. ఈ వార్త వినడానికి షాకింగ్ గా వున్నా.. ఇది నిజమే.మరి ఆర్ఆర్ఆర్ లో నటించిన సత్యదేవ్ ఎక్కడా కనిపించలేదే? అనే ప్రశ్నకు తాజాగా సత్యదేవ్ ఇచ్చిన ఇంటర్వూలో బయటపెట్టేశాడు. ఇంతకూ ఏం జరిగింది?
Also Read : Ntr : ప్రశాంత్ నీల్ ఎన్టీఆర్ సినిమా హీరోయిన్ గా కన్నడ బ్యూటీ రుక్మిణి… బాలీవుడ్ బోర్ కొట్టిందా?
Was Satyadev Kancharana’s Scene Deleted from RRR? Fans Question Rajamouli’s Decision
తాజాగా సత్యదేవ్ ఇచ్చిన ఇంటర్వ్యూలో మాట్లాడుతూ.. RRR సినిమాలో తాను కూడా నటించానని షాకింగ్ విషయం చెప్పుకొచ్చాడు. కానీ ఆయన చేసిన సన్నివేశాలను దర్శకుడు ఎస్ఎస్ రాజమౌళి ఎడిట్ చేశారు. ఈ విషయాన్ని చెప్పాలా వద్దా అనే ఆలోచనలో ఉండగానే తాజాగా ఓ ఇంటర్వ్యూలో ఇలా చెప్పాడు. ‘నేను RRR కోసం దాదాపు 10 రోజులు పనిచేశాను. చివరగా, ఎడిటింగ్‌లో నాకు సంబంధించిన దాదాపు 16 నిమిషాల సన్నివేశాలను తొలగించారు. టీమ్‌పై ఉన్న గౌరవంతో ఇప్పటి వరకు ఎక్కడా ఈ విషయాన్ని ప్రస్తావించలేదు. ఆ పది రోజులు పని చేయడం మరచిపోలేని అనుభూతి’ అని సత్యదేవ్ అన్నారు.
అయితే ఈ వార్త విన్న సత్యదేవ్ (Satyadev Kancharana) అభిమానులు అయ్యో జక్కన్న ఎంత పనిచేశావ్. ఎందుకు సత్యదేవ్ అంత కష్టపడి చేసిన సీన్ లు తీసేశావ్ అంటూ జక్కన్న పై మండిపడుతున్నారు. ఇక సత్యదేవ్, డాలీ ధనంజయ ప్రధాన పాత్రల్లో ఈశ్వర్ కార్తీక్ పాన్ ఇండియా చిత్రం ‘జీబ్రా’. ప్రియా భవానీ శంకర్, జెన్నిఫర్ పిసినాటో కథానాయికలు. ఎస్ ఎన్ రెడ్డి, ఎస్ పద్మజ, బాల సుందరం, దినేష్ సుందరం సంయుక్తంగా నిర్మించారు. జీబ్రా నవంబర్ 22న విడుదలవుతోంది.ఈరోజు జరగనున్న ప్రీ రిలీజ్ ఈవెంట్‌కి చిరంజీవి ముఖ్య అతిథిగా రాబోతున్నారు. జీబ్రా సినిమా రాకతో బజ్ పెరగడం ఖాయం. ఎన్నో ప్రయోగాలు చేస్తున్న సత్యదేవ్ కు హీరోగా సరైన బ్రేక్ రావడం లేదు. మరి జీబ్రాతో హిట్ అందుకుంటాడో లేదో చూడాలి.
