Bhargav Reddy : సజ్జల భార్గవ్ రెడ్డితో పాటు వైసీపీ సోషల్ మీడియా కార్యకర్తలపై కడప పోలీసులు లుకౌట్ నోటీసులు జారీ చేశారు. ఈ నెల 8న పులివెందులలో వర్రా రవీంద్రారెడ్డితో పాటు సజ్జల భార్గవ్ రెడ్డి, అర్జున్ రెడ్డిలపై ఎస్సీ, ఎస్టీ అట్రాసిటీ కేసు నమోదైంది. రాష్ట్రంలో భార్గవ్ రెడ్డిపై ఇప్పటికే పలు క్రిమినల్ కేసులు నమోదయ్యాయి. ఈ క్రమంలో విదేశాలకు పారిపోతారనే అనుమానంతో పోలీసులు లుకౌట్ నోటీసులు జారీ చేశారు. వీరిద్దరి కోసం ప్రత్యేక బృందాలు గాలింపు చేపట్టాయి. ఇక పూర్తి వివరాల్లోకి వెళ్
ఏపీలో వైసీపీ సోషల్ మీడియా కార్యకర్తలతో గతంలో విపక్ష నేతలైన చంద్రబాబు, పవన్ కళ్యాణ్, వంగలపూడి అనిత సహా ఇతర నేతలపై, వారి కుటుంబ సభ్యులపై అనుచిత పోస్టులు పెట్టించిన వ్యవహారంలో పోలీసుల ఉచ్చు బిగుస్తోంది. ఇప్పటికే వైసీపీ సోషల్ మీడియా కార్యకర్తలు వర్రా రవీందర్ రెడ్డి, ఇంటూరి రవికిరణ్ తో పాటు మరికొందరిని అరెస్టు చేసిన పోలీసులు.. విచారణలో వారు ఇచ్చిన వివరాల ఆధారంగా ఇవాళ మరికొందరికి లుక్ అవుట్ నోటీసులు జారీ చేశారు.
Also Read : Y.S Vijayamma: ఫేక్ లెటర్ పై స్పందించిన వైయస్ విజయమ్మ… పరువు నష్టం దావా వేస్తానంటూ?
Police Ready to Arrest Bhargav Reddy: Lookout Notice Issued
వైసీపీ సోషల్ మీడియా పోస్టులకు బాధ్యుడైన పార్టీ సోషల్ మీడియా విభాగం ఇన్ ఛార్జ్ సజ్జల భార్గవ్ రెడ్డిని (Bhargav Reddy) అరెస్టు చేసేందుకు పోలీసులు సిద్ధం అవుతున్నారు. ఇప్పటికే అజ్ఞాతంలోకి వెళ్లిపోయిన భార్గవ్ రెడ్డిని అరెస్టు చేసేందుకు పోలీసులు ప్రత్యేక బృందాలు ఏర్పాటు చేశారు. హైదరాబాద్, విజయవాడతో పాటుగా అనేక చోట్ల గాలింపు చర్యలు చేపట్టారు. అదే సమయంలో విదేశాలకు పారిపోకుండా సజ్జల కుమారుడిపై కడప పోలీసులు లుక్ అవుట్ నోటీసులు కూడా జారీ చేసారు.
సజ్జల భార్గవ్ రెడ్డితో పాటు వైసీపీ సోషల్ మీడియా విభాగంలో కీలకమైన అర్జున్ రెడ్డి, మరికొందరిపైనా పోలీసులు లుక్ అవుట్ నోటీసులు జారీ చేశారు. వీరి కోసం ఇరు తెలుగు రాష్ట్రాలతో పాటు బెంగళూరులోనూ గాలిస్తున్నట్లు సమాచారం. ఇప్పటికే పలువురు వైసీపీ సోషల్ మీడియా కార్యకర్తలను అరెస్టులు చేస్తున్న పోలీసులు..వీరికి బెయిల్ కూడా రాకుండా పకడ్బందీ ఏర్పాట్లు చేస్తున్నారు. దీంతో వైసీపీ సోషల్ మీడియా కార్యకర్తలు అజ్ఞాతంలోకి వెళ్లిపోతున్నారు.
