Chandra Babu : ఏపీ సీఎం చంద్రబాబు నాయుడు తాజాగా బాలకృష్ణ వ్యాఖ్యాతగా వ్యవహరిస్తున్న అన్ స్టాపబుల్ కార్యక్రమానికి ముఖ్యఅతిథిగా హాజరయ్యారు. సీజన్ ఫోర్ కార్యక్రమం ఫస్ట్ ఎపిసోడ్ ఇటీవల ప్రసారమైంది. ఇందులో భాగంగా చంద్రబాబు నాయుడు పాల్గొనడమే కాకుండా తన వ్యక్తిగత విషయాలతో పాటు రాజకీయాల గురించి అలాగే తన అరెస్టు గురించి పవన్ కళ్యాణ్ తో పొత్తు గురించి కూడా ఎన్నో విషయాలు వెల్లడించారు.
చంద్రబాబు నాయుడు(Chandra Babu) అరెస్ట్ అయ్యే వరకు అన్ని పార్టీలు విడివిడిగా పోటీ చేస్తాయని భావించారు కానీ ఎప్పుడైతే చంద్రబాబు నాయుడు అరెస్ట్ అయ్యారో చంద్రబాబు నాయుడుని కలిసిన పవన్ కళ్యాణ్ బయటకు వచ్చి పొత్తు ఉంటుందని కలిసే ఎన్నికలలో పోటీ చేస్తున్నామని తెలిపారు. అయితే జైలు గోడల మధ్య చంద్రబాబు పవన్ కళ్యాణ్ మధ్య ఏం జరిగింది? ఈ పొత్తు ప్రతిపాదన ఎవరిది అనే విషయాలపై అందరిలోనూ ఆసక్తి ఉంది.
Also Read : Pawan Kalyan: రోడ్డుపై పవన్ ను అలా చూసి కడుపు తరుక్కుపోయింది: అంజనాదేవి
Chandra babu Naidu Shares Pawan Kalyan’s Words on Victory
ఇక ఈ విషయం గురించి బాలకృష్ణ చంద్రబాబు నాయుడుని ప్రశ్నించారు. ఈ ప్రశ్నకు బాబు సమాధానం చెబుతూ తాను జైలులో ఉన్నప్పుడు మూలాఖత్ లో భాగంగా బాలకృష్ణ లోకేష్ పవన్ కళ్యాణ్ తన వద్దకు వచ్చారని చంద్రబాబు తెలిపారు. పవన్ కల్యాణ్ మాట్లాడుతూ.. ధైర్యంగా ఉన్నారా? సార్ అని అడిగాడు. నేను ఎప్పుడు ధైర్యంగా ఉంటాను ఎప్పుడు ధైర్యాన్ని కోల్పోను మీరు కూడా ధైర్యంగా ఉండండి అని చెప్పాను.
ఆరోజు రాష్ట్ర పరిస్థితి చూసిన నేను పొత్తు ప్రస్తావన కూడా తీసుకోవచ్చాను. మనమంతా కలిసి పోరాటం చేస్తేనే విజయం సాధించగలమని పవన్ కళ్యాణ్ తో చెప్పాను. పవన్ కూడా రెండు నిమిషాలు ఆలోచించి పొత్తుకు ఒప్పుకోవడమే కాకుండా పొత్తులో బీజేపీని కూడా భాగం చేస్తానని పవన్ కళ్యాణ్ తెలిపారు. ఆరోజు మేము తీసుకున్న ఆ నిర్ణయం నేడు విజయానికి నాంది అంటూ చంద్రబాబు నాయుడు పవన్ కళ్యాణ్ తో జైలులో జరిగిన సంభాషణ గురించి ఈ సందర్భంగా చేసిన కామెంట్స్ వైరల్ అవుతున్నాయి.
