Sai pallavi : ఎలాంటి సినీ బ్యాగ్రౌండ్ లేకుండా ఇండస్ట్రీలోకి అడుగుపెట్టి అతి తక్కువ సమయం లోనే స్టార్ హీరోయిన్గా మంచి సక్సెస్ అందుకున్న వారిలో నటి సాయి పల్లవి కూడా ఒకరు. ప్రేమమ్ సినిమా ద్వారా హీరోయిన్ గా ప్రేక్షకుల ముందుకు వచ్చి తన నటనతో ప్రేక్షకులను మెప్పించిన సాయి పల్లవి తెలుగులో ఫిదా సినిమా ద్వారా తెలుగు ప్రేక్షకులకు పరిచయమయ్యారు.
ఫిదా సినిమాతో తెలుగు ప్రేక్షకులు అందరిని ఫిదా చేసిన ఈమెకు భారీ స్థాయిలో అవకాశాలు వచ్చాయి. ఇలా టాలీవుడ్ ఇండస్ట్రీలో పలువురు స్టార్ హీరోలు అందరితో నటించి మెప్పించిన ఈమె ప్రస్తుతం తెలుగు తమిళ భాష చిత్రాలు మాత్రమే కాకుండా హిందీ సినిమాలలో కూడా నటిస్తూ బిజీగా ఉన్నారు. తాజాగా సాయి పల్లవి అమరన్ అనే సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. ఈ సినిమా ఇండియన్ ఆర్మీ నేపథ్యంలో ప్రేక్షకుల ముందుకు రాబోతుంది. ఈ క్రమంలోనే సాయి పల్లవి(Sai pallavi) వరుస ఇంటర్వ్యూలకు హాజరవుతున్నారు.
Also Read : Pallavi Prashanth: రైతు బిడ్డ అంటూ అందరినీ మోసం చేసిన పల్లవి ప్రశాంత్.. !
Sai Pallavi on PR Stunts: Why She Prefers Authenticity Over Daily Drama
ఈ ఇంటర్వ్యూ సందర్భంగా ఈమె పీఆర్ టీమ్ గురించి పలు ఆసక్తికరమైన విషయాలను వెల్లడించారు. గతంలో ఓ హీరోయిన్ ఇదే విషయం గురించి మాట్లాడుతూ జిమ్ దగ్గర ఎయిర్ పోర్ట్ ఏరియాలో ఫోటోలు తీసేందుకు ఫోటో గ్రాఫర్లను ప్రత్యేకంగా పిలిపించుకుని, డబ్బులు ఇప్పించి మరీ ఫోటోలు తీయించుకుంటారట. వీటికంటూ ఒక సపరేట్ పీఆర్ ఏజెన్సీలు ఉన్నాయని గతంలో ఓ స్టార్ హీరోయిన్ ఓ ఇంటర్వ్యూలో బయటపెట్టారు.
తాజాగా సాయి పల్లవి కూడా పీఆర్ ఏజెన్సీ గురించి మరో ఆసక్తికరమైన విషయాన్ని తెలియజేశారు. ప్రస్తుతం ఈమె రామాయణం అనే సినిమాలో నటిస్తున్న విషయం తెలిసిందే. బాలీవుడ్ నటుడు రణబీర్ కపూర్ రాముడి పాత్రలో నటించగా సాయి పల్లవి సీత పాత్రలో నటిస్తున్నారు. ఈ సినిమా షూటింగ్లో భాగంగా ఒకరోజు తన వద్దకు ఓ పీఆర్ ఏజెన్సీ, యంగ్ బాయ్ తనను కలిశాడట. పీఆర్ చేయమంటారా? మీ గురించి ఎప్పుడూ ఏదో ఒక విషయం ట్రెండ్ చేస్తూ మీ గురించి మాట్లాడేలా చేస్తామని తెలిపారట. ఆ మాటలకు సాయి పల్లవి పీఆర్ ఎందుకు అయినా ప్రతిరోజు నా గురించి మాట్లాడుకోవడం అంటే జనాలకు కూడా బోర్ కొడుతుంది అలాంటివేమీ వద్దు అంటూ ఈమె పీఆర్ ఏజెన్సీ గురించి మరో ఆసక్తికరమైన విషయాన్ని బయటపెట్టారు.
