Allu Arjun : ఐకాన్ స్టార్ అల్లు అర్జున్ ప్రస్తుతం పుష్ప2 సినిమా పనులలో బిజీగా ఉన్నారు. ఈ సినిమా డిసెంబర్ 5వ తేదీనే పాన్ ఇండియా స్థాయిలో ప్రేక్షకుల ముందుకు రాబోతుంది. ఇక ఈ సినిమా పై ఇప్పటికే ఎన్నో అంచనాలు కూడా ఏర్పడ్డాయి. ఇప్పటికే ఈ సినిమా విడుదల కావాల్సిందిగా షూటింగ్ ఆలస్యం కావడంతో డిసెంబర్ లో విడుదలకు సిద్ధమయింది.
ఇక ఈ సినిమా తర్వాత అల్లు అర్జున్(Allu Arjun) తన తదుపరి చిత్రాన్ని త్రివిక్రమ్ శ్రీనివాస్ డైరెక్షన్లో చేయబోతున్న సంగతి తెలిసిందే. ఇప్పటికే వీరి కాంబోలో సినిమా రాబోతుందనే విషయాన్ని అధికారికంగా ప్రకటించారు. తాజాగా ఈ సినిమాకు సంబంధించిన ఒక బిగ్ అప్డేట్ విడుదల చేశారు. నిర్మాత నాగ వంశీ ఇటీవల ఒక మీడియా సమావేశంలో మాట్లాడుతూ త్రివిక్రమ్ అల్లు అర్జున్ సినిమా గురించి పలు ఆసక్తికరమైన విషయాలను వెల్లడించారు.
Also Read : అల్లు అర్జున్ తో (Allu Arjun) కచ్చితంగా సినిమా ఉంటుంది.. ఫ్యాన్స్ కి కిక్ ఇచ్చే న్యూస్ చెప్పిన కొరటాల
Big Update on Allu Arjun’s Movie with Trivikram
అల్లు అర్జున్ త్రివిక్రమ్ కాంబినేషన్లో రాబోయే ఈ సినిమా ఇప్పటివరకు ఎక్కడ చూడని ఎవరు చేయని సినిమా అని తెలిపారు. ఇప్పటికే ఈ సినిమా స్క్రిప్ట్ పనులు దాదాపు పూర్తి అయ్యాయి. 2025 జనవరిలో ఈ సినిమాను ప్రోమోతో అనౌన్స్మెంట్ చేయబోతున్నారని, మార్చి నుంచి రెగ్యులర్ షూటింగ్ పనులు ప్రారంభం అవుతాయని నాగ వంశీ తెలిపారు.
ఇక ఈ సినిమా అత్యంత భారీ బడ్జెట్ సినిమాగా పాన్ ఇండియా స్థాయిలోనే ప్రేక్షకుల ముందుకు రాబోతుంది ఇక ఈ సినిమాలో విజువల్ వండర్స్ ఇప్పటివరకు రాజమౌళి సినిమాలో కూడా చూసి ఉండరు. ఆ విధంగా ఉంటాయని నాగ వంశీ చేసిన ఈ కామెంట్స్ సోషల్ మీడియాలో వైరల్ అవుతున్నాయి. ఇలా అల్లు అర్జున్ త్రివిక్రమ్ కాంబినేషన్లో రాబోయే సినిమా గురించి ఈయన చేసిన వ్యాఖ్యలు సినిమాపై అంచనాలను పెంచుతున్నాయి.
ఇప్పటి వరకూ అల్లు అర్జున్ త్రివిక్రమ్ శ్రీనివాస్ కాంబినేషన్లో జులాయి, అలా వైకుంఠపురం వంటి సూపర్ హిట్ సినిమాలు ప్రేక్షకుల ముందుకు వచ్చిన సంగతి తెలిసిందే. మరోసారి ఈ కాంబినేషన్లో సినిమా రాబోతుందని ప్రకటించినప్పుడే సినిమా పట్ల మంచి అంచనాలు ఏర్పడ్డాయి. పుష్ప 2 సినిమా పనులు పూర్తి అయిన వెంటనే అల్లు అర్జున్ ఏమాత్రం గ్యాప్ లేకుండా ఈ సినిమా పనులలో నిమగ్నం కానున్నారు.
