Suriya : కోలీవుడ్ స్టార్ హీరో సూర్య శివ కుమార్ డైరెక్షన్లో కంగువ అనే సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. ఈ సినిమా అత్యంత భారీ బడ్జెట్ చిత్రంగా పాన్ ఇండియా స్థాయిలో ప్రేక్షకుల వద్దకు రాబోతున్న నేపథ్యంలో సూర్య వరుస ఇంటర్వ్యూలకు హాజరవుతూ ప్రమోషన్ కార్యక్రమాలలో బిజీగా ఉన్నారు. సూర్య నటించిన మొట్టమొదటి పాన్ ఇండియా సినిమా కావడంతో ఈయన ప్రమోషన్ల పై పూర్తి దృష్టి పెట్టారు.
ఈ సినిమా నవంబర్ 14వ తేదీ విడుదల కాబోతున్న నేపథ్యంలో ఈయన ముంబైతో పాటు తెలుగు తమిళ కన్నడ భాషలలో కూడా ఇంటర్వ్యూలకు హాజరవుతున్నారు. ఇదిలా ఉండగా ఒక ఇంటర్వ్యూ సందర్భంగా ఈయనకు గజినీ సినిమా సీక్వెల్ గురించి ప్రశ్నలు ఎదురయ్యాయి. 2005వ సంవత్సరంలో సూర్య ఆసిన్ నయనతార ప్రధాన పాత్రలలో డైరెక్టర్ మురగదాస్ దర్శకత్వంలో ప్రేక్షకుల ముందుకు వచ్చిన ఈ సినిమా అప్పట్లో ఎలాంటి సంచలనాలను సృష్టించిందో మనకు తెలిసినదే.
Also Read : Pawan Kalyan : కార్తీ తిరుమల లడ్డు వివాదం పై మరోసారి స్పందించిన పవన్.. బ్రదర్స్ అంటూ!
Is Suriya Working on a Ghajini Sequel? Here’s What He Says
ఈ సినిమా ద్వారా తెలుగు ప్రేక్షకుల ముందుకు వచ్చిన సూర్య ఇక్కడ కూడా అదే స్థాయిలో మంచి సక్సెస్ అందుకున్నారు. ఇక ఈ సినిమా తమిళ తెలుగు భాషలలో భారీ లాభాలను అందుకోవడంతో అల్లు అరవింద్ నిర్మాణంలో మురగదాస్ దర్శకత్వంలో అమీర్ ఖాన్ హీరోగా బాలీవుడ్ ఇండస్ట్రీలో కూడా ఈ సినిమా విడుదలై అక్కడ రికార్డులు సృష్టించింది.
ఇక ఈ సినిమా సీక్వెల్ గురించి గతంలో మురగదాస్ మాట్లాడుతూ సీక్వెల్ వచ్చే అవకాశాలు ఉన్నాయని తెలిపారు. తాజాగా సూర్యకు సైతం గజినీ సినిమా సీక్వెల్ గురించి ప్రశ్నలు ఎదురయ్యాయి. ఈ సందర్భంగా సూర్య(Suriya) మాట్లాడుతూ ప్రస్తుతం డైరెక్టర్ మురగదాస్ గజిని సీక్వెల్స్ స్క్రిప్ట్ సిద్ధం చేసే పనిలో ఉన్నారని త్వరలోనే స్క్రిప్ట్ కూడా పూర్తి అవుతుంది అని తెలిపారు.
మురగదాస్ గారు స్క్రిప్ట్ పూర్తి చేయగానే షూటింగ్ పనులు కూడా ప్రారంభమవుతాయని అలాగే సీక్వెల్ సినిమాలో తనతో పాటు అమీర్ ఖాన్ కూడా భాగమయ్యే అవకాశాలు ఉన్నాయని సూర్య కామెంట్ చేశారు. ప్రస్తుతం గజిని సీక్వెల్ గురించి సూర్య చేసిన ఈ కామెంట్స్ సోషల్ మీడియాలో వైరల్ అవుతున్నాయి.
