Anu Emmanuel : ఇండస్ట్రీ అనేది ఓ కలల ప్రపంచం. అక్కడ ఎప్పుడు ఏం జరుగుతుందో ఎవరికీ తెలియదు. ఇండస్ట్రీకి రావాలని చాలా మంది కలలు కంటారు. కొందరికి మాత్రమే ఆ కలలు నెరవేరుతాయి. అందం, అభినయం ఉన్నప్పటికీ స్టార్లుగా ఎదగాలంటే అదృష్టం కూడా ఉండాలి.
అలా అందం, అభినయం ఉన్నా ఇండస్ట్రీలో స్టార్ హీరోయిన్ కాలేని వాళ్లలో అనూ ఇమ్మాన్యుయేల్(Anu Emmanuel) కూడా ఒకరు. నేచురల్ స్టార్ నాని మజ్ను సినిమాతో టాలీవుడ్ కు హీరోయిన్ గా పరిచయమైంది. మొదటి సినిమాతోనే అందం, అభినయం పరంగా మంచి మార్కులే వేసుకున్న ఈ ముద్దుగుమ్మ ఆ తర్వాత కిట్టు ఉన్నాడు జాగ్రత్త, అల్లుడు అదుర్స్, మహాసముద్రం, ఊర్వశివో రాక్షసివో
Also Read : Annavaram Movie: బాలయ్య వద్దంటే.. పవన్ కల్యాణ్ బ్లాక్‌బస్టర్ కొట్టిన సినిమా ఏంటో తెలుసా?
Anu Emmanuel Set to Star in Exciting Thriller Movie
వంటి పలు సినిమాల్లో నటించారు. ఇంకా ఆమె స్టార్ హీరోలతో కలిసి అజ్ఞాత‌వాసి, నా పేరు సూర్య నా ఇల్లు ఇండియా, శైల‌జ రెడ్డి అల్లుడు చిత్రాల్లోనూ నటించారు. కానీ స్టార్ హీరోయిన్ మాత్రం కాలేకపోయింది.చేసిన సినిమాలన్నీ ఫ్లాపు కావడంతో డీలా పడిపోయింది. ఇక్కడ అవకాశాలు రాకపోవడంతో కోలీవుడ్ పై కన్నేసింది.. తమిళంలో మాత్రం సూపర్ క్రేజ్ సంపాదించుకుంది.
ఇప్పుడు దాదాపు ఏడాది తర్వాత తెలుగులోకి రీ ఎంట్రీ ఇస్తోంది అను. ఓ థ్రిల్లర్ మూవీలో నటించనున్నారు. హీరో శివ కందుకూరి సరసన న‌టిస్తున్నారు. తెలుగులో శివ కందుకూరి ఇప్పటిక మ‌నుచ‌రిత్ర, గ‌మ‌నం, భూత‌ద్ధం భాస్కర్ నారాయ‌ణ‌తో పాటు మరికొన్ని చిత్రాల్లో ఆయన హీరోగా క‌నిపించారు.
ఐదు భాషలలో 34 చిత్రాలకు డైరెక్టర్ ఆఫ్ ఫోటోగ్రఫీ ఇచ్చిన ప్రముఖ సినిమాటోగ్రాఫర్ ఆండ్రూ బాబు.. ఈ సినిమాతో డైరెక్టర్ గా మారబోతున్నారు. బిగ్ మూవీ మేకర్స్ లిమిటెడ్, మై3 ఆర్ట్స్ బ్యానర్లపై లండన్ గణేష్, డా. ప్రవీణ్ రెడ్డి వూట్ల ఈ సినిమాను నిర్మిస్తున్నారు. సితార ఫిల్మ్స్ లిమిటెడ్ లైన్ ప్రొడక్షన్‌ ను నిర్వహిస్తోంది. క‌ర్మ సిద్ధాంతం ఆధారంగా మూవీ రూపొందుతోందని మేకర్స్ తాజాగా అనౌన్స్ చేశారు. సినిమా షూటింగ్ మొత్తం లండన్ లోనే జ‌రుగుతున్నట్లు వెల్లడించారు.
