KGF 3 : కన్నడ హీరోగా ఇండస్ట్రీలో కొనసాగుతున్న హీరో యష్ ప్రశాంత్ నీల్ డైరెక్షన్ లో తెరకెక్కిన కేజిఎఫ్ సినిమా ద్వారా పాన్ స్థాయిలో ప్రేక్షకుల ముందుకు వచ్చి ఎంతో అద్భుతమైన విజయాన్ని సొంతం చేసుకున్నారు. ఈ సినిమా మంచి సక్సెస్ కావడంతో ఈయనకు పాన్ ఇండియా స్థాయిలో పేరు ప్రఖ్యాతలు వచ్చాయి. అంతేకాకుండా ఈ సినిమాకు సీక్వెల్ సినిమా మరో అద్భుతమైన రికార్డులను సాధించిందని చెప్పాలి. ఇక ఈ సినిమాకు పార్ట్-3 కూడా ఉండబోతుందని పార్ట్ 2 క్లైమాక్స్ లో క్లారిటీ ఇచ్చారు.
మరి కేజిఎఫ్ 3 ఎప్పుడు షూటింగ్ ప్రారంభం కాబోతోంది ఎప్పుడు ఈ సినిమా ప్రేక్షకుల ముందుకు రాబోతుందనే విషయంపై అభిమానులలో తరచూ సందేహాలు వ్యక్తం అవుతున్నాయి. ఒకవైపు హీరో యష్ ఇతర సినిమాలకు కమిట్ అవుతున్నారు అలాగే డైరెక్టర్ ప్రశాంత్ నీల్ సైతం టాలీవుడ్ హీరోలతో వరుస ప్రాజెక్టులకు కమిట్ అవుతూ కెరియర్ పట్ల బిజీ అయ్యారు.
Also Read : Samantha: అతన్ని ఇప్పటికీ చాలా మిస్ అవుతున్నా.. సమంత పోస్ట్ వైరల్… నాగచైతన్య గురించేనా?
Yash’s Key Update on KGF 3: “Shooting Starts Soon!”
ఈ క్రమంలోనే నటుడు యశ్ ఇటీవల ఒక ఇంటర్వ్యూ సందర్భంగా కేజీఎఫ్ 3(KGF 3) గురించి కీలక అప్డేట్ ఇచ్చారు. ప్రస్తుతం ఈయన టాక్సిక్ అనే సినిమాలో నటిస్తున్నారు. ఈ సినిమా ముందుగా 2025 ఏప్రిల్ 10 న విడుదలవుతుందని మేకర్స్ వెల్లడించారు. అయితే అనుకున్న సమయానికి ఈ సినిమా రాదని యష్ తెలిపారు. తాను ఈ సినిమాతో పాటు రామాయణ సినిమాలో రావణాసురుడి పాత్రలో నటిస్తున్నానని తెలిపారు.. ఈ రెండు సినిమాలు పూర్తి అయిన తరువాతనే కెజిఎఫ్ 3 షూటింగ్ పనులు ప్రారంభమవుతాయని తెలిపారు.
ఇక చాలామంది కె.జి.యఫ్ సినిమాకు సలార్ సినిమాకు మధ్య కనెక్షన్ ఉంది అంటూ సోషల్ మీడియాలో వార్తలను వైరల్ చేశారు. అయితే ఈ వార్తలపై కూడా యష్ స్పందిస్తూ క్లారిటీ ఇచ్చారు. అందరూ అనుకున్నట్టు కే జి ఎఫ్ సినిమాకు సలార్ సినిమాకు ఏమాత్రం సంబంధం లేదని వెల్లడించారు. ఇక డైరెక్టర్ ప్రశాంత్ నీల్ సైతం ప్రస్తుతం ఎన్టీఆర్ తో సినిమాకు కమిట్ అయ్యారు. ఈ సినిమా పూర్తి కాగానే ప్రభాస్ సలార్ 2 పనులను పూర్తిచేసిన అనంతరం కేజిఎఫ్ 3 పై ఫోకస్ పెట్టబోతున్నారని తెలుస్తోంది.
