Rajamouli : టాలీవుడ్ దర్శక ధీరుడు ఎస్ఎస్ రాజమౌళి సినిమా అంటే అంచనాలు ఏ స్థాయిలో ఉంటాయో చెప్పాల్సిన పనిలేదు. సీరియల్ డైరెక్టర్గా మొదలైన తన ప్రయాణం నేడు పాన్ ఇండియా స్టార్ డైరెక్టర్ గా పేరు ప్రఖ్యాతలు సొంతం చేసుకునే స్థాయికి ఎదిగారు. ఇలా దర్శకుడిగా ఇండస్ట్రీలో ఎంతో మంచి సక్సెస్ అందుకున్న రాజమౌళి ఇప్పటివరకు తన కెరీర్ లో ఒక్క అపజయం కూడా అందుకోలేదు. ఇలా అపజయం ఎరుగని దర్శకుడిగా పేరు ప్రఖ్యాతలు సొంతం చేసుకున్న ఈయన త్వరలోనే మహేష్ బాబుతో సినిమా చేయబోతున్న సంగతి తెలిసిందే.
రాజమౌళి(Rajamouli) చివరిగా ఎన్టీఆర్ రామ్ చరణ్ హీరోలుగా నటించిన RRR సినిమా ద్వారా ప్రేక్షకుల ముందుకు వచ్చారు. ఈ సినిమా పాన్ ఇండియా స్థాయిలో ఎంతో అద్భుతమైన విజయాన్ని అందుకోవడమే కాకుండా ఈ సినిమాలోని నాటు నాటు పాటకు గాను ఏకంగా ఆస్కార్ అవార్డు కూడా వచ్చిన విషయం తెలిసిందే. ఇలా ఈ సినిమా తర్వాత మహేష్ బాబుతో సినిమా చేయబోతున్న నేపథ్యంలో సినిమాపై పాన్ వరల్డ్ స్థాయిలో అంచనాలు ఏర్పడ్డాయి.
Also Read : Mahesh Babu: నేషనల్ లెవల్లో 8వ స్థానంలో మహేశ్.. వాట్ ఏ చేంజ్
Rajamouli Drops Big Update on SSMB 29: What Fans Need to Know!
ఈ సినిమా భారీ బడ్జెట్ సినిమాగా పాన్ వరల్డ్ టార్గెట్ గా ప్రేక్షకుల ముందుకు రాబోతుంది. ఇక ఈ సినిమా ప్రస్తుతం ప్రీ ప్రొడక్షన్ పనులు జరుగుతున్నాయి. వచ్చే ఏడాది జనవరి నుంచి రెగ్యులర్ షూటింగ్ పనులు ప్రారంభం కాబోతాయని ఇటీవల కథా రచయిత విజయేంద్ర ప్రసాద్ వెల్లడించారు. ఇకపోతే ఈ సినిమా నుంచి ఏదైనా అప్డేట్ కావాలి అంటూ మహేష్ బాబు అభిమానులు ఎంతో కాలం నుంచి ఎదురుచూస్తున్నారు.
తాజాగా మహేష్ బాబుతో చేయబోయే సినిమా గురించి రాజమౌళి కీలక అప్డేట్ విడుదల చేశారు. మహేష్ బాబుతో ఈయన చేస్తున్న సినిమా ఓ అడ్వెంచర్స్ మూవీగా రాబోతుందని తెలుస్తోంది. ఈ సినిమా కోసం మహేష్ బాబు కూడా పూర్తిగా తన లుక్ మార్చేశారు. అయితే ఈ సినిమాలో RRR సినిమాలో కంటే ఎక్కువగా జంతువులు ఉంటాయి అంటూ రాజమౌళి ఈ సందర్భంగా వెల్లడించడంతో ఈ కామెంట్స్ వైరల్ అవుతున్నాయి. ఈయన మాటలను బట్టి చూస్తుంటే సినిమా భారీగానే ప్లాన్ చేశారని తెలుస్తుంది. ఇది ఒక ఫారెస్ట్ అడ్వెంచరస్ మూవీగా ప్రేక్షకుల ముందుకు రాబోతున్న నేపథ్యంలో జంతువులు మరింత ఎక్కువగా కనిపించనున్నాయని తెలుస్తుంది.
